Ses in hof ná Bramley-kaping

‘n Skermgreep van die video wat wys hoe die vrou in Bramley, Johannesburg, gekaap word (15 November 2019) (Video: Twitter)

Ses mans wat betrek word by ʼn voorval in Bramley in Johannesburg waar ʼn vrou verlede week vroegoggend in ʼn kapingsvoorval doodgeskiet is, het Maandag vlugtig in die Alexandra-landdroshof in Johannesburg verskyn.

Brig. Mathapelo Peters het aan Maroela Media gesê die mans het in die hof verskyn en die saak is tot 25 November uitgestel. Die mans bly tot dan in aanhouding.

Die mans word in die stadium nie van moord aangekla nie. “Die polisie-ondersoek duur steeds voort om bewyse vir vervolging in te samel,” het Peters gesê.

Maroela Media het vroeër berig die 56-jarige vrou, ʼn werker van die nooddiensmaatskappy Emer-G-Med, is die oggend omstreeks 05:30 op die hoek van Dublin- en Cunningweg in Bramley gekaap. Die voorval is op kringtelevisie opgeneem en het groot opslae gemaak nadat dit op sosiale media versprei is.

Dit wys hoe die vrou by die oorgang in Bramley stilhou, waarna vier aanvallers haar motor omsingel. ʼn Ander motoris nader die oorgang stadig en versnel dan – moontlik omdat dié persoon besef het wat aan die gang is.

Die vrou se motor beweeg stadig tot in die oorgang, een van die kapers stap weg, keer terug na die motor en spring dan saam met sy drie makkers in die voertuig, waarna hulle wegjaag.

Die slagoffer se liggaam bly in die oorgang agter.

Die polisie het ná die voorval al die hulpbronne tot hul beskikking ingevolge die sogenaamde 72 uur-reaksieplan ontplooi en die ondersoek het beamptes na ʼn taverne in 4de Laan in Alexandra gelei. Altesaam 17 mense is aanvanklik in hegtenis geneem en ʼn onbekende aantal het gevlug.

Ses mans is met die kaping en moord op die vrou verbind. Die ander is vrygelaat.

Die groep word boonop verdink van betrokkenheid by nóg drie rooftogte, insluitend ʼn sakerooftog by U-Save in Alexandra verlede maand en ʼn rooftog by ʼn Chicken Licken in Bramley vroeër dié maand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Scalla

Hoe het die persoon gesterf as dit nie moord was nie?

JZ

Daar moet net een ding gebeur om die mense in die bek te ruk wat moord pleeg …………..DOODSTRAF !!!!!!!!!!!

Griet

SWAARSTE moontlike straf, vir hulle almal! Nietemin… soo jammer, vir julle verlies, aan die familie, mag Hy, julle Vertroos en Deurdra

Michael P

Baie snaaks ek het nog geen tv dekking oor hierdie moord gesien nie seker nie nuus nie dit is net n moord.

Dan

Al hkm daar gespring word om hulle vas te trek,hulle was ongelukkig op video wat die wereld versprei het,wat sou gebeur as hulle nie op video was???suspects still being investigated,anc jaa,ekt een woord,immigrasie.