Ses sterf in gru-ongeluk

Foto: ER24

Ses mense, onder wie vier skoolkinders, is Vrydagmiddag dood in ʼn gru-ongeluk naby Dalton in KwaZulu-Natal.

Werner Vermaak, woordvoerder van ER24, het gesê twee minibustaxi’s het omstreeks 17:00 reg van voor teen mekaar gebots. Een van die voertuie is heeltemal uitmekaar geskeur, terwyl die tweede voertuig aan die brand geslaan het.

“Verskeie insittendes in die taxi’s is tydens die botsing uit die voertuie geslinger,” het Vermaak gesê. “Ses mense, van wie vier kinders tussen 13 en 15 jaar oud, het in die botsing gesterf. Sewe ander mense het kritieke beserings opgedoen, terwyl nog sewe mense ernstig beseer is.”

Volgens Vermaak het verskeie beseerdes beenfrakture opgedoen. Hy het gesê paramedici van verskillende ambulansdienste het onverpoos gewerk om die beseerdes op die toneel te stabiliseer voordat hulle na verskillende hospitale in die gebied gehaas is.

Die oorsaak van die ongeluk is onbekend en word deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
first lady ST

Vreesloos

Ander Annie

Dit is so tragies. Vanaand is daar soveel ouers wat hartseer huil oor hulle kinders wat so tragies moes doodgaan. Wanneer gaan die taxis ophou om onskuldige mense se dood te veroorsaak? Innige simpatie aan al hierdie bedroefde families.

Alida

Wat is daar om te ondersoek? Die oorsaak is voor die handliggend. Spoed en moontlik oorlaai. So jammer vir die ouers.

Onnodig

Weereens ‘n trompop botsing a.g.v. ongeduld. Ja, dit kon ander redes ook gewees het. My voorstel is dat hierdie wrakke uitgestal moet word by taxi staanplekke. Dalk, net dalk kan dit ‘n invloed hé. Sterkte aan diegene betrokke.

Swartkat

Kyk mens na minibustaxi’s oor die hele land sien jy dat die bestuurders hulle nie steur aan padregulasies nie. Hulle ry soos hulle wil en doen net soos hulle wil , stop net waar hulle wil en eronies genoeg doen verkeer en wetstoepassers niks aan hulle nie. Hoeveel passasiers en ander pad gebruikers gaan nog hulle lewens verloor deur sulke onverantwoordelike en onbeskofte bestuurders op ons land se paaie wat net aan hulle self dink.