Sisulu gaan dagvaarding oor kragrekening teenstaan

Minister Lindiwe Sisulu (Foto: Verskaf/Departement van internasionale betrekkinge en samewerking/Katlholo Maifadi)

Lindiwe Sisulu, minister van internasionale betrekkinge en samewerking, het die Stad Johannesburg daarvan beskuldig dat hy “kleinlike politieke speletjies speel” nadat dit aan die lig gekom het dat sy deur die metro gedagvaar word oor ʼn uitstaande water- en elektrisiteitrekening van meer as ʼn half miljoen rand.

Ndivhuwo Mabaya, die minister se woordvoerder, sê in reaksie op mediaberigte oor die saak Sisulu se regspan het reeds die stad in kennis gestel dat sy die hofaansoek sal teenstaan. “Die minister het dit duidelik gemaak dat sy hulle nie enige geld skuld nie. Die stad het ʼn ooreenkoms met die huurder aangegaan om hom van water en elektrisiteit te voorsien, sonder om die minister by die proses te betrek,” sê Mabaya.

Die huurder waarna hy verwys, is ʼn huurder wat tussen 2010 en 2014 in Sisulu se huis in Bellevue  gewoon het. Volgens ʼn berig in Sunday Times het die huurder in dié tyd ʼn rekening van R285 000 vir water en elektrisiteit opgejaag, wat intussen te wyte aan die rente tot R537 000 gestyg het.

Die koerant berig verder dat Herman Mashaba, burgemeester van Johannesburg, beweer het dat ʼn voormalige senior beampte in die stad se departement van finansies, wat glo bande met die ANC het, na bewering onwettig opdrag gegee het dat ʼn gedeelte van die skuld gekanselleer word. Deur dit te doen, het die voormalige werknemer na bewering ʼn kredietbalans op die minister se rekening geskep wat Sisulu in staat gestel het om die eiendom sedertdien te verkoop.

Sisulu hou nou vol dat sy nie verantwoordelik gehou kan word vir die uitstaande rekening nie, maar dat dit die huurder is wat vir dié yslike bedrag moet pa staan.

Mabaya het ook bevraagteken hoekom die stad nooit die huurder se elektrisiteit- en watertoevoer afgesny het nie of ʼn poging aangewend het om die huurder vir die rekening aanspreeklik te hou nie, selfs nadat die rekening tot bó R150 000 gestyg het. “Die stad moet skuld invorder van die huurder met wie hulle ʼn kontrak geteken het,” sê hy.

“Die minister sal voortgaan om die saak in die hof te betwis. Dié hofsaak sal korrupsie en korrupte transaksies tussen beamptes en huurders tot nadeel van eiendomseienaars aan die lig bring.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Neels

Ek as huis eienaar en ook so menigte ander moet ons verpligtinge nakom al dros ons huurders sonder om te betaal. Omdat sy nou een van die regering van die dag se minusters is en ook struggle crudentials het reken sy sy is verhewe bo die wet. Hoop reg en geregtigheid sal geskied.

Gert van Wierdapark

Mini-ster Sisulu se huis moles moet asb. in groter diepte ondersoek word – voor die saak in die hof kom! GEEN uitklaring word normaalweg deur n stadsraad gegee indien die rekening agterstallige is nie! Miskien het Boos-A-Sa ook hier n vinger in die pastei gehad. Erens is daar seker maar toutjies in die vorige a en see beheerde Jhb stadsraad getrek, en Siedaar, sy kry n skoon blaadjie sonder enige skuld. Wie se Skuld is dit?

George in Bloem.

Slegte nuus vir die idiotiese “minister” is dat die eienaar,in terme van die wet,verantwoordelik is en bly vir die rekening Wys jou net hoe onbevoeg sy is dat sy nie eers haar wette ken nie maar in so ‘n hoe pos aangestel is as wat sy is. Wat ‘n nar.

BlinkStephaans

Kry maar vir jou antie lindiwe… nie so lekker om te sukkel met die dingetjies waarmee elke gehoorsame landsburger wat vir homself moet n bestaan maak te sukkel nie né? Ek vol graag die gebeure rondom die ou sakie om te sien watse gunsies alles na jou kant toe gekom het. Gewone mense het “struggles” hoor…maar jou “struggle” moet nou van jou iets spesiaal maak dat jy vrystelling kry.

Esther

Hoekom word haar vel al hoe ligter?