Skooltragedie: Vierde skolier sterf

Marnus Nagel (Foto: Facebook)

ʼn Vierde skolier is oorlede ná ʼn strukturele ineenstorting Vrydag by die Hoërskool Driehoek in Vanderbijlpark.

Annari du Plessis, ʼn bekende krisis-ondersteuner in die Vaaldriehoekse gemeenskap wat direkte kontak met die familie het, het op Facebook bevestig Marnus Nagel is Sondagoggend oorlede. “Die familie kry swaar. Daar word versoek om net bietjie kans te gee sodat almal tot verhaal kan kom. Dink asseblief aan die gesin en wees daar vir kinders wat vanoggend die nuus gaan hoor,” het sy gesê.

Roydon Olckers (17), Jandré Steyn en Marli Currie, albei 13 jaar oud en in gr. 8, is Vrydagoggend dood ná die loopvlak tussen een skoolgebou en ʼn ander kort ná 08:00 ineengestort het.

Minstens 18 skoliere ontvang steeds behandeling by verskeie hospitale in Gauteng. Talle van die skoliere is steeds in die waakeenheid of hoësorgeenheid van die betrokke hospitaal.

Lede van die gemeenskap het Sondagoggend by die Crossroads trauma- en gemeenskapsentrum in Vanderbijlpark bymekaargekom om ondersteuning en geestelike berading te bied aan die familie en naasbestaandes.

Bedrywighede is intussen by die skool opgeskort terwyl leerlinge, ouers en onderwysers traumaberading ontvang.

Lees alle vorige berigte oor die Hoërskool Driehoek op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Anoniem

Sterkte vir almal – baie hartseer
???

Hannetjie

Ah dis verskriklik sad… Groot hugs vir AL die families… My hart verskriklik seer vir Jul… Rus sag jongman

Juffie

Mag so iets NOOIT weer by ENIGE skool in ons land gebeur nie. :(
Sterkte aan al die families.

leser

aan almal betrokke, julle is in my gebede
julle is niks van my, maar trane is oorweldigend
Jesus sal vertroosting gee

leser

ek bid vir Ghristus ondersteuning
dit laat my terugdink aan ons skool ongeluk in 1966, die dood met sekondes vrygespring, waar n voertuis tussen ons in gejaag het en n paar van ons dit nie gemaak het nie
sterkte aan almal