Altesame 4 379 nuwe Covid-19-gevalle is in Suid-Afrika aangemeld.
Volgens die Nasionale Instituut vir Oordraagbare Siektes (Nios) is ʼn totaal van 3 472 436 bevestigde Covid-19-gevalle al in die land aangemeld en is die jongste positiwiteitskoers 23,1%.
Die meeste nuwe gevalle is in die Wes-Kaap (27%) aangemeld, gevolg deur Gauteng (21%) en KwaZulu-Natal (21%). Die totale aktiewe gevalle is 184 191.
Die sterftesyfer weens Covid-19 staan nou op 91 229 nadat nog 30 sterftes aangemeld is. Tot dusver het 3 197 017 mense reeds van die virus herstel, ʼn herstelkoers van 92,1%.
Suid-Afrika het tot dusver 21 286 849 toetse vir Covid-19 gedoen, 18 970 sedert die vorige verslag.
Volgens Nios was daar in die afgelope 24 uur 27 hospitaalopnames. Daar is tans altesaam 9 353 mense wat in hospitale vir Covid-19 behandel word.
Meer as 27,9 miljoen inentings is tot dusver gedoen.
Provinsiale statistieke:
Provinsie | Nuwe gevalle | Aktiewe gevalle |
Oos-Kaap | 465 | 12 826 |
Vrystaat | 215 | 16 044 |
Gauteng | 935 | 14 367 |
KwaZulu-Natal | 934 | 79 491 |
Limpopo | 113 | 2 994 |
Mpumalanga | 221 | 3 227 |
Noordwes | 150 | 9 720 |
Noord-Kaap | 165 | 9 076 |
Wes-Kaap | 1 181 | 36 446 |
Totaal | 4 379 | 184 191 |
Sterftes en persone wat herstel het:
Provinsie | Sterftes | Herstel |
Oos-Kaap | 15 406 | 301 275 |
Vrystaat | 7 167 | 167 049 |
Gauteng | 20 146 | 1 102 653 |
KwaZulu-Natal | 15 081 | 521 340 |
Limpopo | 4 159 | 134 813 |
Mpumalanga | 2 031 | 172 266 |
Noordwes | 4 404 | 165 500 |
Noord-Kaap | 2 459 | 91 022 |
Wes-Kaap | 20 375 | 541 099 |
Totaal | 91 228 | 3 197 017 |
Die getalle gaan nou af neem want die anc wil party
Welkom terug by die daaglikse twis..
Kom ons praat weer tot na die ANC se 110de verjaarsdagvieringe. Dan kom nuwe beperkings en getalle styg.
Die grap duur voort.
Mag ek vra dat ons die jaar n bietjie meer positiewe kommentaar kan lewer en die foeliehoedjies weg pak. Daar was vertel dat ons weer inperkings gaan kry na Nov verkiesings, nie bebeur nie. Toe sou die “wit vakansie plekke” se strande toegemaak word vir die Des vakansie, nie gebeur nie. Daar was gese dat nuwejaar weer met vlak 4 en 5 inperkings gegroet gaan word, nie beur nie. Asb mense, die lewe is regtig soveel meer aangenaam as on kies na ligter kant te kyk en elke dag net meer vrolik probeer wees.
Voorspoed aan almal vir 2022! Ons gaan Groot Genade nodig kry al blink die nuwe no 22 skoene nog sonder stof. Truth is stranger than fiction… sal ons weldra agterkom.
Die nuwe no 22 skoene het klaar roet aan.