Foto bloot ter illustrasie. (Argieffoto)
ʼn Soldaat van die Suid-Afrikaanse Nasionale Weermag is vroeër die week in Bloemfontein in hegtenis geneem vir sy beweerde betrokkenheid by misdaad-aktiwiteite.
Die inhegtenisneming het gevolg nadat die polisie Dinsdag inligting van ʼn bron ontvang het oor ʼn soldaat wat in Brandwag woon en daarvan verdink word dat hy vuurwapens en ammunisie by die Tempe- militêre basis gesteel en aan onbekende persone verkoop het.
Siphiwe Dlamini, woordvoerder van die weermag, het gesê die soldaat word aangekla van die besit van ongelisensieerde vuurwapens en ammunisie, die besit van ʼn handgranaat, asook die besit van ʼn SAPD-uniformpet. Die waarde van die items waarop beslag gelê is, beloop sowat R90 000.
Genl. Rudzani Maphwany, hoof van die weermag, het soldate gewaarsku dat geen dade van misdadigheid ongestraf sal bly in die SANW nie.
Jo, lyk my dis nie net die Polisiediens wat ‘n klomp kriminele in diens het nie!