Sosialemediaplasings wat plaasmoorde verheerlik na MRK verwys

Een van die inskrywings wat na die MRK verwys is.

Verskeie sosialemedia-inskrywings wat oënskynlik plaasmoorde en -aanvalle aanmoedig en verheerlik, is reeds na die Menseregtekommissie (MRK) verwys om as haatspraak ondersoek te word.

Die DA het twee weke gelede, as deel van sy aksieplan om landelike veiligheid te help verbeter, aangekondig dat hy inskrywings op sosiale media wat hy glo haatspraak of haatmisdaad is, na die owerhede vir ondersoek gaan verwys.

“Dit sluit in die aanmeld en aankla van diegene op sosiale media of enige ander platform wat die marteling en moorde wat die kenmerk van sulke landelike aanvalle geword het, verheerlik,” sê Dianne Kohler Barnard, die DA se woordvoerder oor staatsveiligheid.

Nog een van die inskrywings wat na die MRK verwys is. haatspraak sosiale media plaasmoorde

(Skermgreep verskaf deur die DA)

Die party het intussen verskeie “afskuwelike” plasings op sosialemediaplatforms geïdentifiseer wat die aanvalle verheerlik en selfs aanmoedig.

“Die DA beskou die plasings as walglik en diegene wat dit plaas moet aanspreeklik gehou word vir hul kwaadwillige en haatdraende uitlatings,” het Kohler Barnard gesê.

Sy sê navorsing dui daarop dat daar ʼn regstreekse verband is tussen haatspraak – wat dikwels deur politieke leiers gesing of gesê word – en ʼn onmiddellike toename in landelike aanvalle wat dikwels gepaard gaan met vreeslike marteling. Mans, vroue en kinders van alle rasse loop deur.

Die ANC het in 2001 ʼn komitee van ondersoek aangestel om plaasaanvalle te ondersoek en tot die gevolgtrekking gekom dat die aanvalle oorwegend rooftogte was met geen politieke of haatdraende motief nie. “Dit blyk dat die uitkoms van die ondersoek op sigself ʼn politieke verklaring was, of dat ʼn nuwe ondersoek as ʼn kwessie van dringendheid nodig is.

“Dít omdat daar vandag dikwels berigte is dat die rowers, ná die allervreeslikste marteling, sonder enigiets vlug,” het Kohler Barnard gesê.

“Dit is ongelooflik dat diegene wat die idee van die verkragting en moord van die vroue en kinders van boere en plaaswerkers ophemel bitter selde in die hof verskyn. Politici verromantiseer en moedig by tye dié skandelikheid aan en diegene wat hulle navolg dra geen gevolge nie. Die DA gaan verseker dat hulle doen.”

Kohler Barnard sê die gebruik dat die polisie die “diefstal van ʼn beursie” rapporteer nadat ʼn boer ure lank gemartel is, moet gestaak word. “Dit is nie ʼn rooftog nie, dit is ʼn haatmisdaad.”

Sy sê om boere die skuld te gee vir die ANC se versuim om werk te skep, onderrig en behuising te verskaf en hongersnood te pak, is ʼn gerieflike politieke instrument wat lewens eis.

“Boere, plaaswerkers en hul geliefdes is verantwoordelik om die land kos te gee en voedselsekerheid te verseker. Die sinnelose moorde op en marteling van dié gemeenskappe moet gestaak word en diegene wat dit verheerlik moet aanspreeklik gehou word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Karpraat

Moenie asem ophou nie want Malema is vrygespreek op wat vir my lyk na dieselfde tipe haatspraak.

Spook

Swak, Swak, Swak, en die regering gaan niks doen nie! Haatspraak en rassisme op sy hoogte vlak! Ons blankets poep teen donderweer!!!!!

Wendy

Miskien moet boere vir ‘n jaar of wat ophou kos aan die land se mense voorsien, miskien sal hulle dan die boere waardeer. Hulle dink mos jy koop alles by checkers. Wanneer gaan dit ophou? Lyk my tot plaaswerkers se lewens is meer werd as die Boer s’n. Sterkte

Tracey

Don’t hold your breath. Hierdie is wraak wat aangewakker word deur politici, ontken word deur die president. Regtig om ‘n swanger vrou keel af te sny. As blankes net die k woord geruik is dít ‘n gehoo haa, maar fb doen Absoluut niks aan openlike haatspraak of aanhitsing nie. Hoog tyd boere baklei terug, maar hy sou nog nie die eerste skoot geskiet het dan is hy in die tronk, en die familie van die moordenaars word besoek met beloftes vir nog. Kan ‘n mens ‘n meer blinde parlement kry. Dieselfde boere wat kos gedeel het in inperking, word koelbloedig… Lees meer »

Elmarie

Daar sal dadels van kom. Dis net rassisties as witmense dit sou se