Staal jou dán vir beurtkrag

Argieffoto

Eskom het laat hoor dat Suid-Afrikaners hulle Dinsdagoggend tussen 05:00 en 10:00 moet staal vir beurtkrag.

“Verbruikers word aangeraai om hul beurtkrag-skedules gereeld dop te hou op Eskom se webwerf en te beplan asof beurtkrag sal plaasvind,” het Eskom in ʼn verklaring gesê.

Eskom het bygevoeg beurtkrag word as ʼn laaste uitweg ingestel om die stelsel van ʼn algehele stilstand of ineenstorting te red.

Dít ná werkers by sommige aanlegte begin staak het te midde van spanning oor onderhandelings tussen Eskom en die vakbonde oor die betaling van prestasiebonusse vir die afgelope boekjaar.

Eskom het die polisie in kennis gestel en beraadslaag glo met vakbonde om dié dooiepunt te ontlont.

Werkers eis 12% van hul jaarlikse salarisse as ʼn eenmalige bonus. Onderhandelinge is steeds nie verby selfs ná meer as twee maande lange gesprekke tussen Eskom en die vakbonde nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

39 Kommentare

jongste oudste gewildste
Wolkie

Hier gaan ons alweer.. darem dit in werksure, maar met my geluk sal die plek dit vryspring hehe

Adrian

Nee..Nee..Nee … niks meer vir julle nie die industrie bloei homself dood agv dubbel die mannekrag en buitensporige hoge salarisse en baie minder verbruik van selfaangepaste krag. Escom is die olifant in die land wat net wil he he he nee genoeg is genoeg. Raak ontslae van 2 derdes van die personeel dan sal die wat oorbly moet werk vir bonusse en hoer salarisse Punt

ES

“Prestasiebonusse” – Dis lagewekkend, daar is dan geen prestasie behaal nie??

Msp

Oooooolo griet, daar gaan China se lening ook die afgrond in….

Yankee

Nerens, maar nerens buite Afrika hoor jy van so iets!! G’n wonder soveel van julle mense probeer nou om die Land te verlaat. Sterkte vir julle.