Steve-toespraak: ‘Wie dink jy is jy?’

Steve Hofmeyr. Foto: Facebook

Steve Hofmeyr. Foto: Facebook

“Ek het die ‘go-to-guy’ geword vir wit wanhoop.” Só lui die toespraak wat die sanger Steve Hofmeyr Vrydag by die Kaapse Persklub sou lewer, maar wat gekanselleer is nadat dreigemente ontvang is.

Die Persklub het hom genooi om ʼn toespraak oor ʼn onderwerp van sy keuse te lewer. Hy is egter Donderdagoggend in kennis gestel die geleentheid is gekanselleer nadat die Persklub “oorval is met besware”. ʼn Dreigement is ontvang dat ʼn skokgranaat gebruik sal word om die verrigtinge te ontwrig.

Hofmeyr het die toespraak, wat in Engels geskryf is, intussen op sy Facebook-blad gelaai. Die toespraak handel oor vryheid van spraak, uitdrukking en die media. Hy sê in die toespraak daar is ʼn paar dinge waaroor meeste Suid-Afrikaners kan saamstem, naamlik dat ons kan aanvaar dat die Suid-Afrikaanse dilemma nog altyd en steeds ingewikkeld is; ons in verskillende grade onsself, ons mense en ons regering verantwoordbaar hou daarvoor; en in verskillende grade ons nasionale sterftesyfer, moord, verkragting en droewige werkloosheidsyfer aan die kaak stel.

Hofmeyr vra dan verder of Suid-Afrika nie ook die land is met die hoogste koers van veelrassige misdade; die hoogste koers van kinderverkragtings en die hoogste koers van plaasmoorde nie.

Hofmeyr beweeg dan aan na dié dinge waaroor Suid-Afrikaners glad nie saamstem nie. Hofmeyr glo byvoorbeeld nie “ons sou ʼn nuwe Suid-Afrika” gehad het nie indien die 1992-referendum ingesluit het dat ons meer anargie, meer rassisme en meer bloedvergieting sou hê.

Hofmeyr sê hy is nie jammer omdat hy glo Suid-Afrika sal nooit sy probleme kan oplos nie. “Miskien sien ek te veel van Suid-Afrika weens die aard van my werk as sanger en aktivis. Miskien is dit die noue kontak met die publiek tydens die drie vertonings per week die afgelope 30 jaar. Elke aand tydens my berugte handtekeningsessies ontmoet ek hulle in hul duisende. Boere wat begin huil omdat hulle nie hul gesinne kon beskerm nie. Ma’s wat in my oor fluister dat sy en haar dogter wat agter haar staan ook deel van die statistieke is en dan begin huil.”

Volgens Hofmeyr het hy elke aand vir die afgelope drie dekades “die ongekende konfrontasie gesien wat sy mense en generasie met moord en verkragting het”. Hofmeyr sê hy voel soos regter Mabel [Jansen]. “Jy sien een te veel gevalle met identiese eienskappe, jy herken die patroon, jy weet jy word nie toegelaat nie, maar jy kan nie anders as om iets te sê nie. Ek het die ‘go-to-guy’ geword vir wit wanhoop.”

Volgens Hofmeyr aanvaar hy dat mense wat sy toespraak lees teen nou wonder “wie dink jy is jy?”. “Die antwoord daarop is ʼn niemand wat baie gereis het. ʼn Burger. ʼn Bekommerde lid van ʼn gatvol minderheid. Dit moet genoeg wees.”

Lees die volledige toespraak hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

70 Kommentare

jongste oudste gewildste
Raymond Bastone

Stem saam met Steve Dankie ook wat jy vir Afrikaans doen ons staan agter jou sterkte

Swannie

Sal graag bittergal Max du Preez se reaksie op hierdie toespraak wil sien, dis nou natuurlik sou hy die waagmoed hê? Dink net: Glans geleentheid te Carnival City – ‘n Tv debat alle VSA-styl Steve vs Max!

Andre

Almal moet die toespraak lees!

Swannie

Sal graag bittergal Max du Preez se reaksie op hierdie toespraak wil sien, dis nou natuurlik sou hy die waagmoed hê? Dink net: Glans geleentheid te Carnival City – ‘n Tv debat alla VSA-styl Steve vs Max!

Carol

Steve ek spreek elke woord saam met jou. Ek sit toegesluit agter grendel en slot. Ek is te bang om buite in ons Suid Afrika son te gaan sit want iewerste is die boosheid besig om nader te kruip. Ek is gatvol om te sê ek is jammer ek is wit gebore. Ek is gatvol om in n winkel te staan en onsigbaar te wees vir die een agter die toonbank wat mense rondom my te help. Ek is gatvol vir hierdie gat toe steek van die regerende party. Ek is gatvol vir bedrog, korupsie en vergryping van die belastingbetalers… Lees meer »