‘Terreur-komplot’: Nóg drie vas

Riana Heymans

Die Valke het nog drie verdagtes in hegtenis geneem in verband met ʼn beweerde terreur-komplot om nasionale sleutelpunte, winkelsentrums en informele nedersettings aan te val.

Volgens Brig. Hangwani Mulaudzi, woordvoerder van die Valke, is die drie verdagtes Vrydagaand in Kliprivier, in die suide van Johannesburg, deur ʼn geïntegreerde span van misdaadintelligensie-beamptes en lede van die Valke se eenheid vir ernstige misdaad in hegtenis geneem.

“Daar is op verskeie vuurwapens, ammunisie, dokumente en ander items beslag gelê,” het Mulaudzi gesê.

Riana Heymans is een van die verdagtes wat Vrydagaand in hegtenis geneem is nadat die Valke vroeër ʼn lasbrief vir haar inhegtenisneming bekom het.

Die drie verdagtes sal Maandag saam met Harry Johannes Knoesen (60) in die landdroshof in Middelburg, Mpumalanga, verskyn op aanklagte wat verband hou met die Wet op die Beskerming van die Grondwetlike Demokrasie teen Terrorisme en Verwante Aktiwiteite.

Harry Johannes Knoesen tydens sy inhegtenisneming. Foto: Valke

Die verdagtes is glo almal lede van die National Christian Resistance Movement (NCRM), ook bekend as die Crusaders.

Knoesen, selfverklaarde leier van die Crusaders, is Donderdag by sy huis in Middelburg in hegtenis geneem. Knoesen is glo ʼn afgetrede pastoor wat ook in die weermag gedien het.

Mulaudzi het vroeër gesê Knoesen se inhegtenisneming kom ná ʼn twee jaar lange uitgebreide intelligensie-gedrewe ondersoek na ʼn beweerde terreur-komplot wat glo deur die groep gekoördineer is.

Die Valke het intussen gesê die huis in die Oos-Kaap wat ná Knoesen se inhegtenisneming deursoek is, behoort nie aan Knoesen soos wat vroeër beweer is nie. Volgens Mulaudzi behoort die huis aan ʼn ander lid van die Crusaders en volgeling van Knoesen.

Daar is glo op springstof, elektroniese toestelle, dokumente en ʼn ongelisensieerde vuurwapen en ammunisie by die huis beslag gelê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

69 Kommentare

jongste oudste gewildste
Johan

As hierdie aantygings waar is, is dit seker van die domste dinge wat ‘n mens kan doen.

John

Versoening? Dit klink na ‘n lekker oordrewe storie om die ANC weer nuwe slaankrag te gee. Daagliks word wit mense vermoor en uitgedruk, maar dit bewerk versoening?

Andre

Ja né……. So sal dit wees
Trust Nobody.

Louis Liebenberg

Soos ons nou al weet kan inligting deur die Staat of media nie vertrou word nie. Ten spyte daarvan dat dit klink of die Crusaders nie baie slim optree nie, sou ek graag wil weet wat die groot plan van bewegings soos Afriforum is om die afmaai van ons mense te stuit. Die gebrek aan werkbare planne is wat lei tot hierdie soort van malligheid. Die swak generasie Afrikaner is ons eintlike dilemma wat hulle broers so onderdeur werk.

bokka

Ek weet nie hoekom nie maar hierdie storie laat my terugdink aan die tragiese AWB se drie-lid operasie destyds in Bophuthatswana. Eish.