TLU SA sê: ‘Dankie, wêreld’

TLU SA (Foto: Facebook)

TLU SA het met groot waardering kennis geneem van stemme wat in die buiteland opgaan oor die situasie van Suid-Afrikaanse landbouers.

“Ons bedank die Australiese regering in besonder vir die feit dat hulle immigrasiekanale wil vergemaklik indien die situasie in Suid-Afrika onhoudbaar sou word. Dit is ʼn wonderlike gebaar wat ons werklik hoop nooit nodig sal wees om te gebruik nie,” Louis Meintjes, president van TLU SA, gesê.

Meintjes het bygevoeg dit is betreurenswaardig dat die minister van internasionale betrekkinge, Lindiwe Sisulu, dit nodig ag om die Australiese verteenwoordiger in Suid-Afrika na haar te ontbied in die hoop om ʼn amptelike verskoning te kry. “Ons hoop dat Australië geen verskoning sal aanbied nie, want die feite waarop die moontlike verslapping van visumvereistes aan Suid-Afrikaanse boere oorweeg word, is heeltemal korrek, en geen verskoning is nodig as geen leuen uitgespreek word nie. Inteendeel, die ANC en die EFF hoort eerder verskoning aan te bied vir hulle volgehoue leuen dat die boere die grond gesteel het.”

Meintjes het ook sy waardering uitgespreek teenoor Vlaamse studente wat op 22 Maart ʼn stille protes wil hou teen die moorde op Suid-Afrikaanse boere. “Dankie, wêreld,” was Meintjes se woorde. “Ons is dankbaar dat TLU SA se internasionale aksies oor jare heen, nie vergeefs was nie en dat die wêreld kennis neem van ons probleme.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Pieter

Baie goeie nuus ek wens ons kon almal gaan ,tyd geword vir ernstige sanksies teen die piesang republiek van Azania

( P R A)

Hanna

Ek dink Sisulu het haarzelf lelik onderskat met die mentaliteit en intelligensie van hierdie eerste wereld lande (dis maklik om n leuen aan ANC en EFF kiesers te verkoop). Die wereld MOET eenvoudig begin kennis neem van die volksmoord op ons blankes! Nou moet ons nog net vir pres Trump ook op die “band wagon” kry…

Eish

Die momentum begin opbou. Ek vertrou die Afrikaanse Burgerregte organisasies, en ook landbou organisasies en ander wat die saak goedgesind is, verslap geensins in hul pogings om die waarheid uit te basuin aan die buiteland nie. Inteendeel, n verskerping daarvan is nou broodnodig vir stukrag. Die deur van vreedsame naasbestaan is toegeklap in ons gesig, maar die deur van buitelandse simpatie begin opgaan. Die bewusmaking van ons tweedeklas burgerskap moet sodanig gepropageer word dat protesaksies in die buiteland alledaags word. Sportsanksies moet die volgende doelwit wees. Niks het verander sedert apartheid nie, dis slegs halftyd en spelers het kante geruil… Lees meer »

Liesie

Ek dank Jesus, dat die buite wêreld se oë oopgegaan het….en sien wat in ons land aangaan…..dankie Australie, dankie Vlaamse studente……….groete…
eh…..

Elvira

Dankie TLU. Saam sal ons almal verkondig hoe hierdie boere verniel, gemoor, geplunder en gehaat word.