Top-advokaat gaan De Ruyter ondersoek

André de Ruyter. (Foto: ANA)

Die senior advokaat Ishmael Semenya is aangestel om die bewerings van rassisme teen Eskom se uitvoerende hoof, André de Ruyter, te ondersoek.

Die kragvoorsiener het Donderdag in ’n verklaring gesê sy direkteure het versoek dat Semenya die onafhanklike ondersoek na die bewerings teen De Ruyter doen. Semenya het ingestem en sal na afloop van die ondersoek sy bevindige en aanbevelings so gou as moontlik bekend maak.

Semenya is ook versoek om aanbevelings te doen oor hoe die raad behoort op te tree teenoor enige spesifieke individue, indien daar enige ongerymdhede gedurende die ondersoek aan die lig kom.

Luidens die verklaring staan dit Semenya vry om enige dokumente van Eskom aan te vra en te ontvang. Hy is ook gemagtig om enige getuies te raadpleeg wat as relevant en nodig geag word vir die doeleindes van die ondersoek.

“Die direksie versoek dat Semenya ruimte gegee word om die ondersoek ongehinderd uit te voer en die ondersoek te voltooi sodat hy die verslag so spoedig moontlik bekend kan maak.”

Maroela Media het vroeër berig De Ruyter word daarvan beskuldig dat hy van swart verskaffers wil ontslae raak ten gunste van wit ondernemings.

Die parlement se staande komitee oor openbare rekeninge (Skoor) het vroeër vandeesmaand ook aangekondig hy gaan ʼn ondersoek doen na “baie ernstige bewerings” teen De Ruyter. Dít nadat Solly Tshitangano, Eskom se nou geskorste hoofverkrygingsbeampte, sekere bewerings teen De Ruyter en ander senior Eskom-amptenare in ʼn brief aan die komitee gemaak het.

De Ruyter is in Januarie verlede jaar as uitvoerende hoof by die beleërde kragvoorsiener aangestel. Hy was voorheen onder meer die uitvoerende hoof van die verpakkingsmaatskappy Nampak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Stefaan

Ons weet by voorbaat wat die uitslag gaan wees.

Marius

Dit is belaglik om die minste te se . Net nog n ondersoek om n ondersoek te doen op n ondersoekende kader wat ondersoek instel op n ondersoek na n ondersoek en word alles en almal ondersoek om vas te stel die ondersoek het meer geld gekos en niks is gekry met die ondersoek nie . Siestog .

Phillip

De Ruyter is te wit vir eskom toe hy aangestel is het ons gese hoe lank gaan hy hoof wees en daar val hulle hom aan . Hoop maar hy wen die aantuigengs teen hom en gee Eskom n bloed nues

Sarel

Gexkorste amptenaar gryp na Rassisme.dn sois gewoonlik.vzl almal daar oor.. . Hoekom.nie gewag
Tot die geskorste amptenaar se saak ondersoek.en afgehandel.is nie.
Ondersork hang baie af vz integriteit en Vry van Politieke
Inmenging wat baie skaars is. Sien ook EFF se hand hierin

AJ

Absoluut belaglik. Hierdie land in vol mense wat aan n minderwaardigheids kompleks lei…