Totius-beeld van Puk-kampus verwyder

Die Totius-standbeeld op die Noordwes-Universiteit se Potchefstroomkampus. Foto: Verskaf

Die Totius-standbeeld op die Noordwes-Universiteit se Potchefstroomkampus. Foto: Verskaf

Die Noordwes-Universiteit (NWU) het Saterdag gesê die Totius-standbeeld op die universiteit se Potchefstroomkampus gaan verskuif word.

Die beeld gaan na die terrein van die Gereformeerde Kerke in Suid-Afrika (GKSA) verskuif word.

Die universiteit het in ʼn verklaring gesê die NWU het die versoek dat die standbeeld na die eiendom van die GKSA geskuif word van die administratiewe buro van die GKSA ontvang, saam met ʼn skrywe van familielede van Totius.

“Die Totius-standbeeld word aan die GKSA toevertrou vir plasing op eiendom van die GKSA in Potchefstroom. Die besluit oor die presiese plek sal geneem word ná die standbeeld skoongemaak en gerestoureer is. Die GKSA het reeds met lede van die familie van Totius oorleg gepleeg,” het die verklaring gelui.

Hierdie besluit volg nadat die groep ReformPUK in Oktober vanjaar geëis het dat die Totius-standbeeld, wat sedert Oktober 2009 op die Puk-kampus staan, verwyder word omdat hy ’n beleid van rasseskeiding ondersteun het. Die universiteit het vroeër gesê dat die kwessie rondom die standbeeld as “’n saak van dringendheid” beskou word.

Flip Buys, voorsitter van die Solidariteit Beweging, het gesê die werklike kwessie agter die skuif van die standbeeld is dat die NWU-leierskap Totius se standbeeld saam met Afrikaans en die meerderheid Afrikaanse studente weg wil hê in die naam van transformasie. “Maar was dit nie vir Totius nie, het hierdie Transfornazi’s niks gehad om te ‘transformeer’ nie. Lees maar self die aangrypende stuk in Totius se biografie, waar hy in 1902 langs ’n grag in Nederland loop en beplan om ’n Christelik-Afrikaanse Universiteit te stig,” het hy gesê.

“Hierdie Totius-verskuiwing is simbolies van die anneksasie van Afrikaners se kulturele bates deur ’n vyandige owerheid, wat dieselfde rassistiese transformasieresep wil afdwing wat reeds soveel instellings in die land laat misluk het. ’n Standbeeld is simbolies van die bepaalde gemeenskap en as Totius nie meer welkom is nie, is Afrikaners in werklikheid nie meer welkom nie. Moenie dink dat dit net oor ‘taal en toegang’ gaan nie. Die Transfornazi’s wil nie net minder Afrikaans hoor nie, hulle wil minder Afrikaners sien. Hulle weet dat Afrikaans die sterkste skans is teen Afrikanisering.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
alletta Strydom

Wat die klomp nie wil kan gaan verstaan dat jy nooit kan weghardloop van Geskiedenis.
slegte nuus vir die arme sotte….dink hul nou vir een oomblik hul gaan slimmer wees as die beelde en afrikaans weg is.
hul wil nie leer nie. ons leef in n hands out society. geskiedenis kan jy nooit uitwis nie. my innige simpatie met die groep.

Paul Swart

Totius is welkom by GKSA. Ek is self ‘n Dopper, en sing elke Sondag die Psalms in Totius berymings.
Goeie opsomming van Flip Buys se kant af.

Bruno Stef

Ek kan my nie uitspreek teen die lafhartigheid van diegene wat agter die reeds tweede keer se verskuiwing van die standbeeld sit nie .Die blinde sambok sal julle vorentoe bykom.Die soetkoekie kommentaar verwyderaar sal seker maar weer oor sy voete val om my misnoe met die stand van optrede by NWU te verwyder.

Justa

Hoe lank moet ons nog toekyk hoe ons erfenis vertrap word? Nadat alles op n skinkbord vir hulle gegee is word ons nog steeds verneder en alles Afrikaners en Afrikaans weggewens.

Buigendeknieg

Ek skaam my morsdood oor ons Suid Afrikaners so elendig neerbuig na die gene wie n vlaag van verwoesting saai. Hier gaan nog lank oor die onderwerp gedebateer word. Die buigende knieg moet maar buig terwyl hy nog kan buig. Die woede in my is so groot ek laat liewer hierdie onderwerp net daar