Trein tref motor, 3 beseer

Trein tref voertuig (Foto: Verskaf)

Drie mense is Dinsdagoggend beseer toe ’n trein ’n ligte voertuig by die Jakaroo-kruising in Witbank in Mpumalanga getref het.

Volgens Russel Meiring, woordvoerder van ER24, het paramedici omstreeks 10:00 by die toneel aangekom waar hulle die ligte voertuig net langs die treinspoor aangetref het.

Die insittendes van die voertuig, ’n man, ʼn vrou en ʼn tweejarige meisie is buite die voertuig aangetref. Die man en vrou het matige beserings opgedoen terwyl die kind veelvoudige beserings opgedoen het en in ’n kritieke toestand was.

“Hulle is op die toneel behandel waarna hulle na ’n nabygeleë hospitaal geneem is vir verdere mediese behandeling,” sê Meiring.

Besonderhede rondom die ongeluk is nog nie bekend nie. Die polisie was op die toneel en ondersoek tans die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

5 Kommentare

jongste oudste gewildste
Tino

Die opskrif is belaglik! Dit impliseer dat die trein drywer roekeloos was en aspris gedraai het om in die kar vas te ry. Die kar het Vryheid van beweging en kon sekerlik die trein vermy. Dus is die kanse op die roekelose bestuur van die voertuig meer waarskynlik, kon niemand hier vra hoekom die kar op die spoor was nie?

Santjie

Tino? Ek het nie die opskrif so ervaar nie? Dit is tog logies dat treine nie ‘n flikker kan aansit en draai wanneer hulle wil nie. Dit is dus logies dat die voertuig voor die trein moes inry? Ek dink nie jy het nou gedink oor wat jy hier skryf nie.

Henri

Weet julle nog nie. Treine, lamppale ens loop mos vrylik voor voetuie in.

Daniel Pieter Schoeman

Hartseer : die drywer van die voertuig moet weer getoets word dit is mos ek is vinniger as die trein hy het nie eers gekyk nie net gery

James

Goeie more almal, net n vinnige agter groot van die ongeluk. Die railway crossing is unmanned met geen signal system in plek, dit is ook in n rural area van Witbank. Na die ondersoek klaar gedoen was, is dit bewys dat die voertuig wel n elektrise probleem gehad het en dat die voertuig op die spoor gaan staan het. Die drywer het getry om die voertuig weer te start, toe was daar nog nie n trein in sig nie, die krussing is op n draai in die spoor en is ook soveel in n beboste area. Ongelukig kon die mense… Lees meer »