Twee senior lede van die Valke en ’n voormalige beampte van dié eenheid is Dinsdagoggend in hegtenis geneem nadat onreëlmatighede met bevorderings binne die Valke aan die lig gekom het.
Kol. Katlego Mogale, woordvoerder van die Valke, sê die verdagtes het na bewering hul mag misbruik toe hulle hul pligte as lede van ’n keuringspaneel uitgevoer het.
Hoewel die onreëlmatighede na bewering by die Valke se kantoor in Noordwes plaasgevind het, is ’n ondersoek nou regoor al die provinsies se kantore gelas.
Die voormalige offisier was verbonde aan die Valke se kantoor in Silverton in Pretoria.
“Dit behoort nou duidelik te wees dat die direktoraat niemand bevoordeel of vooroordeel oor iemand het in die uitvoering van sy mandaat nie. Die beginsel wat gevolg word, is dat die lede van die direktoraat, ongeag die senioriteit van die beamptes, steeds hul werk verrig sonder vrees, guns of vooroordeel.”
Die verdagtes, onderskeidelik 48, 55 en 57 jaar oud, sal na verwagting binnekort in die Pretoriase handelsmisdaadhof verskyn op aanklag van korrupsie en bedrog.
Ek wonder soms wie is nie korrup in SA se staats diens nie?
Nie net by die Valke waar daar onreëlmatighede by die bevorderings is nie…
Ag genade julle vinkies is net so korrup !!!!!!!
Skommel die letters effe en valk word vlak.
???????????????????????? Jy slaan die hammer op die spyker
Ek wonder nou net.
Is die alles waar, of is dit gefabriseer?
Ace Magashule het mos so ruk terug gewaarsku as die Valke aanhou karring met hom sal hulle ook toegemaak word soos destydse Skerpioene
Spieëltjie,spieëltjie aan die wand,wie is die skelmste en mees korrupste in ons land?.Ons almal weet,maar mag nie staatsgeheime verklap nie……