Verbruikers is al hoe meer op soek na bekostigbare vleis. (Foto: pixabay)
Die uitwerking van stygende vleispryse op verbruikers – veral dié in kwesbare lae-inkomste huishoudings – word al hoe duideliker en is veral sigbaar in ʼn ongelooflike groot vraag na bekostigbare varkvleis.
Die vervaardiger Eskort sê hy sien toenemend dat verbruikers hulle nou tot kostedoeltreffende opsies soos weenseworsies, polonie en lewer- of speksmeer wend in ʼn poging om proteïen te kan bekostig.
Die gemiddelde kosprysinflasie het volgens Statistieke Suid-Afrika in Februarie vanjaar op 6,4% gestaan en dit plaas al hoe groter druk op Suid-Afrikaners om kos op die tafel te probeer hou.
Eskort verskaf produkte aan kleinhandelaars soos Shoprite wat veral fokus op laer- en middelinkomsteverbruikers. Teen die einde van Maart het die vraag na die vervaardiger se weenseworsies en soorte smeer met tussen 11,4% en 15,2% op ʼn jaargrondslag toegeneem terwyl verbruikers soek na meer bekostigbare vleisalternatiewe om in hul inkopiemandjies te laai.
Arnold Prinsloo, Eskort se uitvoerende hoof, sê daar was noemenswaardige toenames in verkoopvolumes vir laerkoste-proteïenstapelvoedsel by kleinhandelaars wat veral laer inkomstegroepe bedien.
Middel- en lae-inkomste verbruikers is ook toenemend op die uitkyk vir winskopies wat hul rande sal laat rek.
“Die syfers wys hoe gevoelig kwesbare huishoudings tans vir kosinflasie is. Hulle skaal af na meer kostedoeltreffende produkte en plaasvervangers terwyl hul begrotings tot op breekpunt gedruk word,” sê Prinsloo.
Diegene in hoër inkomstegroepe is minder gevoelig vir pryse en in dié segment het die vraag betreklik bestendig gebly, ten spyte van skommelinge in pryse en kosinflasie.
Te midde van rekordhoë werkloosheidsvlakke en ʼn styging in die prys van brandstof, krag en kos, verwag Prinsloos wel dat al hoe meer ander verbruikers ook na varkvleis gaan begin kyk om duurder vleissoorte soos skaap en bees in die komende maande te vervang.
“Stygende vleisinflasie is dikwels positief vir die varkvleisbedryf. Teen rofweg die helfte die prys van beesvleis en sowat ʼn derde die prys van skaapvleis, is varkvleis dikwels ʼn uiters aantreklike opsie wanneer verbruikers na meer bekostigbare alternatiewe wil oorskakel,” sê Prinsloo.
Wat prys en voedingswaarde betref, bied varkvleis volgens Prinsloo uitstekende waarde vir geld en is daar ʼn wye verskeidenheid produkte beskikbaar om aan elke smaak te voldoen – en in elke begroting te pas.
“Ons verwag ook verhoogde vraag na produkte soos bladspek, worsies en Russiese worsies, terwyl lae- en middelinkomste huishoudings soek na maniere om hul kosuitgawes te besnoei.
asb tog hou op invlasie of statistick SA gebruik want dit is so ver uit nie eers snaak nie hulle sal jou se oetrol net met 1% op is klomp snert man pryse is meer as 30% op
As jy in Afrikaans skryf, sal meer mense verstaan wat jy probeer sê.
Mense ly honger terwyl die ANC-regering luukse motors ry. Wat ‘n skande!
Die regering sal ‘n stelsel van voedselkoepons moet instel want daar gaan mense dood van die honger in hierdie land.. Wanneer dit in plek is, moet bedelaars van verkeersligte verban word. Sommige beskou bedel as ‘n voltydse, lonende werk en nie noodwendig om kop bo water te hou nie.
Bedel bring meer geld in as om op ‘n plaas te werk.
So terloops – hier is ‘n vrou wat by die verkeerslig staan by die uitgang van ‘n groot winkelkompleks. Ek praat gereeld met haar en het al gevra hoekom sy nie iets maak en dan verkoop nie (daar is ‘n man wat koeksisters verkoop daar). Haar reaksie was dat dit nie lonend is nie en sy baie meer kan verdien om net te bedel. Eintlik gaan die bedelary so goed dat sy net omtrent 2 of 3 dae in die week by die verkeerslig moet “werk”. Ek het ook opgemerk dat sy nie heeldag daar staan nie, hier teen 13h00 is sy weg so reeds genoeg ge-“pocket”. Hulle het ook hulle gereelde customers. Sy se daar is ‘n vrou wat altyd vir haar R200 gee wanneer sy gaan shop. En nou die dag vra ‘n bedelaar vir my geld by ‘n winkel. Ek vra toe waarvoor hy die geld wil he. Hy se toe vir drugs want hy wil ‘n lekker naweek he. Kan jy nou meer. Ek het hom amper iets gegee vir sy eerlikheid.
Leķker lag ek vir die laaste deel van jou kommentaar. Ja nee kyk sulke eerlikheid kry jy selde onder bedelaars:-))
Vleis is onbekostigbaar duur. Gister ‘n handjievol mince gekoop wat amper R120/kg was. ‘n Absolute skande.
Wanneer vrugte, groente en vleis te duur is. Dan kan dit maar op die rak bly en vrot word. Ek kan nie die hoe pryse bekostig nie. Kyk na Foodlovers se R 10 Dinsdag en R 30 Donderdag wins kopies.
Dankie.
Dinsdag se R10 opsies, is wat oorgebly het van Donderdag se R30 kopies.
Dan moet ons nog duur betaal vir elektrisiteit wat hulle in elk geval nie vir ons kan gee.
Of R200,000 betaal vir sonkrag
Daar was ‘n tyd wat ek en my vrou omtrent elke aand skaaptjops ge-eet het. Dit was 10 jaar gelede. Nou is dit mince of hoender. En ons is finansieel in ‘n beter posisie as toe. Wel, “tegnies” in ‘n beter posisie seker.
Gelukkig kan ‘n mens toor met die 2 vleissoorte.
Blikkies sardyntjies……
Toevallig het ons gister viskoekies gehad.
Vale, dieselfde hier. Jare gelede was ek ook “armer”, maar kon meer rooivleis bekostig, soos jy se^.
Ek as beesboer kry baie minder vir my diere op veilings aangesien die staat nie die bek en klouseer uitbraak kan beheer nie en voerkrale geen diere aankoop nie. Die pryse moet deurgegee word aan die verbruiker.
Maar as die bek en klouseer verby is, gaan die hoe vleispryse nie verby nie. Vleis was in elk geval al klaar vrekduur nog voor enige veesiektes. Maar hulle kan aangaan, daar gaan ‘n punt kom waar mense dit eenvoudig net nie meer sal kan koop nie. dan gaan die hele storie platval.
Dis waar, beesvleis was baie duur, al Voor bek en klouseer.
Hier is nog té veel ryk mense! Dis nou omgekeer, jare terug het ons die lekker vleise geëet en die res het runaways geëet. Dis deesdae andersom en hulle koop daai matured steaks teen R199 pkg!
Ek onthou hoe ek begin kla het toe rump steak na R65 per kilo opgegaan het. En waar is dit nou?
Ek het geen probleem met die Staat wat Skaap, Bees en hoender invoer nie. Dis goedkoper en lekkerder want ons eie produkte in Suid Afrika het te duur geword.
Mense moet toegelaat word om hul eie paar hoendertjies aan te hou. Kan gedoen word daar moet net behoorlike, streng reels geld.
Ek word vinnig teë geëet aan hoender . Wil nie gereeld hoender eet nie. Dit is vinnig nie meer lekker nie.
Alternatiewe is vis en vark. Ons woon op die strand en eet dikwels vis, alhoewel ons kinders wat binnelands woon, eet meer seekosse as ons!
Wanneer mense meer vark koop, styg varkvleis se prys, en wanneer mees vis gekoop word, styg die prys van vis.
Dankie tog, ek kan elke dag ertappels eet! En soos Manie van maalvleis en hoender sê, sê ek van ertappels…. daarmee kan getoor word! En so terloops, dit is ertappels en niè aartappels!
Vis is deesdae al duurder as hoender as ‘n mens die eetbare gedeelte alleen neem. Ek vra laasweek vir die vrou in die viswinkel hoekom hulle vis met kop en stert weeg, terwyl ek dit nie kan eet nie, waarop sy nogal pittig antwoord dat vleis ook met been en al geweeg word.
“Isn’t the only hope for the planet that the industrialized civilizations collapse? Isn’t it our responsibility to bring that about?” — Maurice Strong.
Ons eet maar net vark en hoender. Hier is n lekker marinade vir die 2 vleise: Sojasous, Sweet chili sous en heuning met jou gunsteling vleis speserye. Veral as jy dit heeldag of oornag marineer. Draai die vleis n paar keer om. Heuning is ook maar al duur maar hierdie maak die vleis heerlik. Met hoender, jy kan jou eie KFC tuis maak. Doop die hoender in n geklitste eier en dan in meel gegeur met speserye. Een vd speserye behoort gemaalde kruinaeltjies te wees (ground cloves).
Die kabinet, parlement, munisipale raadslede en al die adminsitratiewe personeel van die parlement en kabinet sowel as die BBP polisiemag se salarisse en byvoordele moet met 99,9% verlaag word en daardie geld moet aan die Pensioenarisse wat SASSA kry oorbetaal word. Hierdie mense sal nog genoeg geld oorhê om soos multibiljoeners te leef al is daar 99,9% van hulle salarisse wegegevat .
Beeslewer wat altyd redelik bekostigbaar was, is net so duur nou. So terloops – ‘n vorige plek waar ek gewerk het, het ‘n Muslim-vrou altyd vir my beeslewer gaar gemaak, gebraai in uie. Sy los die lewer oornag in melk. Vrek lekker, daai “wilde” lewer smaak is uitgewerk en so sag, so sag. Joh, hoe water my mond nou.