Verdagte vas na vrou se dood op wynlandgoed

Jason en Susan Rohde. Foto: Facebook

Jason en Susan Rohde. Foto: Facebook

Jason Rohde (47), uitvoerende hoof van Sotheby’s International Realty South Africa, is na bewering Dinsdagoggend vroeg in verband met sy vrou, Susan (47), se moord in hegtenis geneem.

Kapt. FC van Wyk, woordvoerder van die polisie, het aan Maroela Media bevestig dat ʼn 47-jarige verdagte omstreeks 06:50 in Johannesburg in hegtenis geneem is in verband met die moord op Susan. Van Wyk het gesê die verdagte sal binnekort in die Stellenbosch-landdroshof verskyn.

Van Wyk wou nie die naam van die verdagte bekendmaak alvorens hy in die hof verskyn het nie. EWN het egter berig dat dit Jason is wat in hegtenis geneem is. Daniel Witz, Rohde se regsverteenwoordiger, was nie onmiddellik Dinsdagoggend vir kommentaar beskikbaar nie en Maroela Media wag op terugvoer.

Maroela Media het vroeër berig Susan se liggaam is die oggend van 24 Julie in ʼn hotel op die Spier-wynlandgoed buite Stellenbosch gevind. Jason het na bewering op sy vrou se liggaam afgekom waar sy in die badkamer met die koord van ʼn haartang opgehang was.  ʼn Geregtelike doodsondersoek is geopen, maar nadat ʼn nadoodse ondersoek gedoen is, is ʼn saak van moord aanhangig gemaak.

Witz wou vroeër nie kommentaar lewer oor bewerings dat Jason en Susan die aand voor haar dood ʼn hewige argument gehad het nie. “In die lig van die voortgesette ondersoek en die feit dat die saak sub judice is, kan ons nie nou hierop kommentaar lewer nie,” het hy gesê.

Lees alle vorige berigte oor Jason Rohde op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

61 Kommentare

jongste oudste gewildste
Arsène Lupin

Mag reg & geregtigheid seëvier.

Judy-anne

As dit dan so is dat dit hy is , hoekom skei mense nie net nie of loop net maar om iemand dood te maak wat bring dit jou nou in die sak? behalwe natuurlik as hy ander weggesteek/gedoen het wat net sy weet dalk, maar om iemand dood te maak verstaan ek glad nie dit maak net nie sin nie vat jou goedjies en loop as jy dan gatvol is of watookal maar regtig jy moet verseker paar peaunuts mis in die kop as jy net links en reg wil moor om van iemand ontslae te raak.

Gert

HOE nou ? in die eerste paragraaf word haar man se naam genoem en gese hy is gearresteer! dan volg die 2 de en die 3 paragraaf wat se dat die verdagte se naam nie bekend gemaak kan word alvorens hy in die hof verskyn het nie.

Irene

Gert jy is baie wakker

Oupa Neels

My vrou is al 8 jaar oorlede aan kanker. Ek mis haar vreeslik en is nog steeds alleen. Dan kry jy mans wat hulle vrouens vermoor. Dit maak my woedend. As dit hy is hoop ek hy kry sy dag.