Verkragtingslagoffer glo by hof gedreig

Die slagoffer se vriende het haar by die hof ondersteun. Van links is Desiré Jordaan, Lynette van Zyl, Sandy Richie, Gavin Donnoly (agter), Celeste Gouws, Dafré Troskie en Katja Offerman. (Foto: Verskaf)

Die burgerregteorganisasie AfriForum sê sy vermoede dat ’n beweerde verkragter polities beskerm word, is Dinsdag weer eens bevestig deur gebeure by die streekhof op Somerset-Oos in die Oos-Kaap.

AfriForum se privaatvervolgingseenheid, onder leiding van adv. Gerrie Nel, verteenwoordig die slagoffer, Celeste Gouws, wat in 2017 na bewering in haar eie huis verkrag is nadat sy vermoedelik bedwelm is. Maroela Media het in Februarie berig die saak is na die privaatvervolgingseenheid verwys nadat ’n prokureur op die dorp en Louw se vriendin geen antwoord op navrae ontvang het oor waarom geen strafregtelike stappe teen die beskuldigde ingestel word nie.

Die verdagte staan tereg op ʼn klag van verkragting en een van huisbraak met die doel om te verkrag. Volgens AfriForum is die verdagte se familielede aktief in die politiek. Die saak is Dinsdag vir ʼn derde keer uitgestel omdat die verdagte wéér van regsverteenwoordigers verander het en sy nuwe regspan eers op hoogte met die saak moet kom.

“Vandag het ’n groep mense, sommige geklee in ANC-T-hemde, die slagoffer en van AfriForum se ander getuies verhoed om die hof se perseel te betree. Die slagoffer is ook tydens die gebeure gedreig en daar is aan haar gesê dat haar dae getel is,” het Andrew Leask, hoofondersoeker van AfriForum se privaatvervolgingseenheid, gesê.

“Nadat lede van AfriForum se privaatvervolgingseenheid ingegryp het, het die polisie uiteindelik toegetree.”

Leask sê toe die verrigtinge afskop, het die beskuldigde eers geweier om in die beskuldigdebank te verskyn omdat hy glo nie aan die media blootgestel wou word nie. Nadat die landdros, Eric Mbiyo, aangedui het dat sy weiering om te verskyn tot inhegtenisneming kan lei, het hy wel die beskuldigdebank betree.

Volgens AfriForum is dit uiters teleurstellend dat ’n beskuldigde eenvoudig kan aanhou om die regsproses uit te stel sonder enige nagevolge.

“Ons is baie teleurgesteld deur die hof se onvermoë om toe te sien dat sy eie reëls nagekom word. Die hof se versuim om te verseker dat die verhoor vandag begin het ongelukkig nou tot gevolg dat die slagoffer se saak benadeel is, aangesien ’n sleutelgetuie in die saak die einde van die week emigreer,” sê Leask.

“Die versuim om die getuienis aan te hoor het onherstelbare skade aangerig aan die slagoffer se saak. Ten spyte van die regering se onophoudelike beloftes op Menseregtedag om geslagsgebaseerde geweld stop te sit, het die uitstel van hierdie saak weer eens die onaanvaarbare situasie geskep waar die slagoffer die traumatiese gebeure van die voorval moet herleef, aangesien die saak nie tot ʼn punt kom nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Kokerboom

Is daar nog bestaansreg vir die Blanke in die vervloekte land?

Pieter

Groot klomp rasiste in anc en dan het hy sy styl by sy maat zuma geleer- niks snaaks nie.

Chris dupreez

Wow, is hy familie van zuma

katerinadiekat

Ja dis mos n blanke dame wat verkrag is, so dit sal maar n opdraande pad wees na geregtigheid.

Pieter

Ons gaan moet saam staan en die brein dood ANC se geld krane toe draai. Die land se regstelsel is n grap dit is wat dit is. Ons belasting geld betaal daai niks werd regter se selaris.