VF Plus voorspel skolebeleid stuur op chaos af

Philip van Staden, VF Plus-lid van die Gautengse wetgewer. Foto: Facebook

Die LUR vir onderwys in Gauteng, Panyaza Lesufi, se nuwe voorgestelde regulasies op die wysiging van skole se voedingsgebiede sal afstuur op volskaalse chaos as dit aanvaar word, meen Philip van Staden, VF Plus-lid van die Gautengse wetgewer.

Hy sê skole se voedingsgebiede beslaan tans ’n radius van 5 km. Leerders wat binne 5 km vanaf ’n skool woon of wie se ouers daar werk, word dus as leerders in ’n natuurlike voedingsgebied beskou.

“Hierdie leerders kry plasingsvoorkeur by die meeste skole,” verduidelik Van Staden. “Die meeste skole aanvaar wel leerders van buite die natuurlike voedingsgebied indien daar ná plasings nog plek beskikbaar is.”

Die LUR is van voorneme om die radius van voedingsgebiede tot 30 km te vergroot, volgens die regulasiewysigings wat Lesufi op 30 Julie 2018 in die staatskoerant gepubliseer het. Sedertdien is meer as 10 000 besware teen die wysigings by die Gautengse onderwysdepartement ingedien.

panyaza-lesufi

Panyaza Lesufi. Foto: Flickr/GovernmentZA

“Die VF Plus in Gauteng meen dat algehele chaos in die provinsie gaan uitbreek indien Lesufi dit regkry om die voedingsgebiede te verander,” sê Van Staden. “Dit maak glad nie sin nie dat ’n leerder wat in Bronkhorstspruit woon, kan skoolgaan in die Pretoria-Moot-gebied tensy die leerder plek gekry het by die skool nadat leerders uit die direkte omgewing reeds plek gekry het.”

Sy party is gekant teen die wysigings en ondersteun skole wat ook daaroor bekommerd is.

“Die VF Plus meen dat leerders uit ’n bestaande natuurlike voedingsgebied nie plek sal kry by skole in hul direkte omgewing nie en dit sal ouers in die provinsie onder verdere finansiële druk plaas.

“Lesufi moet besef dat primêre en sekondêre leerders gebiedsgebonde is en nie soos studente aan enige universiteit kan studeer nie,” sê Van Staden. “Die VF Plus glo ouers sal moet rondskarrel om kinders in ’n skool geplaas te kry, asook dat kinders se lewe op die spel geplaas sal word deur hulle na verder plekke te vervoer.

“Die verkeer in Gauteng is baie druk en die paaie glad nie veilig nie. Lesufi se nuwe regulasies sal meer verreikende gevolge inhou as wat besef word.”

Van Staden beskuldig Lesufi daarvan dat hy die wysigings gebruik om die aandag van sy “laksheid” af te lei.

Voorbeelde hiervan is volgens Van Staden:

  • Die nasionale raad van provinsies het in September 2018 die provinsie besoek en bevind dat 142 nuwe skole benodig word.
  • 85 primêre skole moet gebou word om ’n tekort van 3 166 klaskamers uit te skakel.
  • 57 sekondêre skole moet gebou word om ’n tekort van 2 388 klaskamers uit te skakel.
  • 114 000 nuwe leerders stroom Gauteng jaarliks binne.
  • Nuwe skole, wat wel gebou word teen ’n koste van R249 miljoen, staan langer as ’n jaar leeg, soos in die geval van die Nokhuthula Centre and Special School in Lyndhurst, Johannesburg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Bullseye

Hele land stuur op chaos af…

Estelle

Why would this government provide you with an education that would enable you to overthrow them?

Johanna Botha

Presies die hele damn land stuur op n ramp af …teenwigte skop asb NOU IN ! !

Nelia van Zyl

Mnr Lesufi is allermins vir die Onderwys geskik. Hy is nie op hoogte v onderwyssake nie en dra allermins die onderwys se belange op die hart. Hy is n rassis wat wit en veral Afrikaanse skole teiken en het meestal n verskuilde agenda.

Johan H.

Ek dink nie daar is breins in sy kop nie maar,SAAGSELS.!!