Video: ‘Besope’ weermaglid nou soek

Die weermag het die lid se gedrag veroordeel en sê die man is in hierdie stadium soek. (Foto: Skermgreep/Twitter)

Die Suid-Afrikaanse Nasionale Weermag sê hy is op soek na ʼn lid wat in ʼn video op sosialemediaplatforms “ooglopend dronk” in die openbaar is.

Die video van die man wat oënskynlik net té diep in die bottel gekyk het, is die afgelope paar dae wyd gedeel.

“Die weermag veroordeel sulke skandelike gedrag van ons lede onomwonde omdat ons die militêre uniform as ʼn belangrike bate beskou,” lui die verklaring.

Volgens die weermag is die presiese datum en tyd van die voorval nog nie vasgestel nie, maar hy werk nou saam met die Tshwane-metropolisie om alle besonderhede daarvan vas te stel.

“Die weermag kan bevestig dat die lid in die video as een van ons lede geïdentifiseer is en dat hy sedert 27 Julie vanjaar sonder toestemming van sy eenheid afwesig is. Militêre polisiebeamptes werk sonder ophou om hom te vind en te verseker hy word aanspreeklik gehou.”

Die weermag sê voorts dié soort gedrag kan nie van enige van sy lede geduld word nie.

“Sodra die lid in die video opgespoor word, sal hy voor ʼn militêre hof verskyn omdat hy sonder verlof afwesig is, asook vir dronkenskap.”

Genl. Rudzani Maphwanya, hoof van die weermag, asook die weermagbevelsraad, het weermaglede wat die organisasie ʼn slegte naam gee en oneervolle gedrag in die openbaar toon, ook berispe.

Maphwanya het soldate streng gewaarsku dat die weermag nie swak dissipline in sy geledere gaan duld nie en ingrypende stappe sal doen teen enige lede wat die weermag se gedragskode oortree.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

47 Kommentare

jongste oudste gewildste
Jeff

DISGUSTING

Misky

Geen respek vir die land of hulself nie. Sommiges het morele en waardes, andere geensins nie.

Persheks Adri

Nóg ‘n dronkaard PFFFT!!!

Johan

Hy word gesoek vir die parlement.

Tjom

Maar hoe nou? Metro hou dan die ding aan sy pols vas. Het hulle hom laat gaan?