Vier dood in Vrystaat-botsing

Foto: Verskaf

Vier mense is dood en 19 beseer in ʼn botsing Sondagoggend op die R57 tussen Reitz en Kestell in die Vrystaat.

Volgens die provinsiale gesondheidsdepartement het die botsing ongeveer 06:00 naby die Afrikaskop-afrit buite Kestell plaasgevind.

ʼn Minibustaxi het teen ʼn broodafleweringsvoertuig gebots waarna ʼn bakkie in die ongelukstoneel ingeploeg het. Die nooddienste en provinsiale verkeersdienste is na die toneel ontbied.

Vier mense is op die toneel dood verklaar terwyl 19 beseer is. Twee mense is kritiek beseer, nege het ligte beserings en agt het matige beserings opgedoen.

Een van die kritiek beseerdes is per helikopter na die Busamed-hospitaal in Harrismith vervoer terwyl die ander pasiënte na die Manapo-hospitaal in Qwaqwa geneem is.

Montseng Tsiu, LUR vir gesondheid in die Vrystaat, het haar medelye betuig met die families van die oorledenes en die beseerdes ʼn spoedige herstel toegewens.

Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

AmY ·

Hoe op dees aarde ‘ploeg ‘n mens in ‘n ongelukstoneel in?’

Brakenjan ·

Jy sien die ongeluk te laat. Jy trap die briek. Die bande gly. Klippe teer en grond word losgemaak deur die bande (ploeg = maak grond los) en dan eindig jou voertuig se beweeging deur in die ander voertuie of pasiente tot stilstand te kom.
2de ongeluk. Voertuig ploeg in die ongeluktoneel in. Sterkte aan die betrokke mense

Cherokee ·

As ‘n ongeluk reg voor die inploegende voertuig gebeur het, met breukdele van sekondes om te reageer. Werk uit hoeveel meter beweeg ‘n voertuig per sekonde teen ‘n skamele 100 kmu. Weet nie of dit is wat gebeur het nie maar baie waarskynlik kon dit so gewees het.

smurfie ·

n Mens noem dit spoed en nat paaie.
Bakkie was seker meters naby toe ongeluk gebeur het. Du?!

Chris Ws ·

Nat pad,te kort volg afstand en te hoe spoed vir die pad- en weers toestand.
Dan ploeg jy in ander voertuie in wat stil staan of spoed verminder.
Maar wie gaan na ‘n waarskuwing luister in ons land?Net mooi niemand.So almal ry op die voertuig voor hom se “bumper” teen baie vinniger as die spoed grens , en veral as die pad nat is en dit reen word daar nog vinniger gery en die motoris wat versigtig en stadiger ry word amper van die pad af geforseer.
As dit reen bly ek by die huis.As ek ry en reen langs die pad kry trek ek ver van die pad af en wag dat dit opklaar voor ek verder ry.En dan hou ek die aap agter my op die’ nat pad baie fyn dop!Om in die’ land op ‘n nat pad te ry is nag!

Pieter du plessis ·

En die ander voertuig is in 95% n Afrika taxi.Ek weet nie of dit goed of sleg is nie.

Pieter ·

WEER ‘n oorlaaide minibus-taxi!
Wanneer o wanneer gaan die Metro Polisie, die SAPD en die minister van vervoer wakker skrik?!
Skut die taxis, bêre die minibus-taxi bestuurder baie diep (en vir baie lank), konfiskeer sy lisensie en swartlys hom vir 10 jaar. Moenie vir my vertel dis nie in die minister (wat sy sout werd is) se vermoë nie.

Jan ·

Nee waneer gaan jy wakker skrik en besef die land is hooeloos oorbevolk…

PJ ·

Verstaan nie mooi hoeveelste ongeluk nou al waar mini bus taxis en trokke bots ?

Gemaskerde Sopbeen ·

Ek verstaan nou weer nie wat jy nie verstaan nie. Kom kyk hier by my HOE hulle ry…..Links verby, deur rooi verkeersligte, u-draaie, verkeerde rigting in een-rigting op, regs van die middelman as die verkeer ophoop, stop net waar hulle wil……….en dan vat hulle die lang pad…met GEEN begrip van “soliede wit lyn”, “spoedgrens” of “voertuig se dra-vermoë” nie…..en wat is die gevolg? Presies dit waarvan jou nou lees…en nie mooi verstaan nie. Verstaan jy nou?

Opisthophthalmus ·

Gemaskerde Sopbeen se verduideliking is in die kol. Onpadwaardigheid van taxis speel ‘n ‘huge’ rol. Taxi ongelukke veroorsaak onskuldige mense (passasiers en ander padgebruikers) se dood en beserings. Padvarke as jy my vra.

Roadrunner ·

Roekelose taxibestuurders is mos bo die wet verhewe, al veroorsaak hulle die helfte van alle padsterftes is die owerhede te bang om op te tree!

Alida ·

Hoeveel aasvoels was daar om die brood van die pad te verwyder wonder ek. Gewoonlik na so botsing kom hulle uit van nerens.

Chris ·

Ek dink net altyd aan die passasiers wat noodgedwonge gebruik maak van taxis. Elke keer as jy inklim weet jy nie of jy lewendig anderkant gaan uitkom nie. Deesdae is mens eintlik verbaas as daar nié ‘n taxi betrokke is in ‘n ongeluk nie. Hulle regeer die paaie.

Johan ·

Die verkeers owerhede het grootste aandeel in al die ongelukke en pad sterftes want oral oor word hulle om gekoop en gooi blinde oog vir taxsies en ander voertuie net sekere mense word afgetrek of beboet word nie eers by stop tekens gestop nie maar verkeers mense staan enkele meters verder en kyk ma net nou wonder ons ma net wat is die doel van verkeers owerhede dis hoekom meer en meer mense sterf want verkeers owerhede vererger net stand van sake

George in Bloem ·

Mens lees deesdae byna daagliks van die taxi’s in meestal noodlottige ongelukke en steeds doen hierdie slapgat ANC regering absoluut bokkerol. En korrupsie van die verkeersmense is algemene kennis en steeds geen spesiale stappe om dit uit te roei nie,danksy die ANC. Daar is nie ‘n enkele ding wat in hierdie land verkeerd gaan wat nie voor die deur van die onbevoegde en korrupte ANC gele kan word nie want die regerende party en sy denke is vrot van bo tot onder by die gemiddelde kieser wat stem vir hulle en dus hulle korrupte misdadige optrede goedkeur. En kyk nou maar met die komende verkiesing hoe gaan daar weer gehardloop word om hierdie spul narre aan bewind te hou. Dit is die ironie van hierdie land. Net soos die ja-stemmers van die blanke kieserskorps gestem het vir die dood va hierdie eens pragtige land,so is die meerderheid van die swart kiesers vasbeslote om vol te hou met dieselfde ding. Dat SA nog tot dusver kon staande bly teen die sotlikheid gaan mens se verstand te bowe.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.