Vier vas ná moord op Carolina-paartjie

(Argieffoto)

Vier mense is reeds aangekeer in verband met die moord op ʼn paartjie van Carolina wie se liggame Dinsdagoggend in hul huis op die dorp aangetref is.

Bure het die polisie gisteroggend na die huis ontbied nadat hulle onraad vermoed het omdat hulle die paartjie lanklaas gesien het. Beamptes het aan die deur geklop, maar daar was geen reaksie nie en hulle is die huis binne deur ʼn deur wat nie gesluit was nie.

Daar het hulle op die liggame van ʼn 83-jarige man en ʼn 64-jarige vrou afgekom. Paramedici het hulle dood verklaar.

Nadat inligting oor die vermeende betrokkenes van lede van die gemeenskap opgevolg is, is die verdagtes in Carolina opgespoor en aangekeer. Die slagoffers se Toyota Corolla is verlate naby die huis opgespoor en die polisie het beslag gelê op ʼn vuurwapen wat vermoedelik by die slagoffers gesteel is, sê kol. Donald Mdhluli, polisiewoordvoerder in Mpumalanga.

“Die mans staan tereg op twee aanklagte van moord en roof, asook die besit van vermoedelik gesteelde eiendom. Hulle sal na verwagting binnekort in die hof verskyn.”

Lt.genl. Semakaleng Daphney Manamela, provinsiale polisiehoof, het die inhegtenisneming van die verdagtes, tussen 18 en 30 jaar oud, verwelkom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Jr

Nou moet ons hof toe gaan met ons eie “kill” liedtjie wat nie eintlik bedoel wat die woorde sê maar in “context” gevat moet word. Dis mos n struggle liedtjie nê

Jannie van Niekerk

Dan is daar nog mense wat sê die doodstraf moenie terug gebring word nie want dit skrik nie misdadigers af nie. Enige iemand wat teen die doodstraf gekant is, is misdaad soos hierdie goedgesind. Waarom moet ‘n moordenaar “die reg op lewe” hê? Het die slagoffer dan nie ook ‘n reg op lewe nie? Ek het onlangs weer met een wat gekant is teen die doodstraf ‘n gesprek gehad en toe ek hom hierop wys dat die slagoffer ook ‘n reg op lewe het was die persoon se antwoord:” Ongelukkige gebeur sulke dinge maar…” . Bid jou aan. So wat… Lees meer »

Andre

Kan ons raai watse ras die jong moordenaar was? Ek glo Cele sal weet.

marius

Dreksels !

ES

So bitter hartseer. Sterkte aan die families van die slagoffers van hierdie terroriste.