Vlugtelinge beset steeds Kaapstad

Vlugtelinge in Kaapstad (1 Maart 2020) (Foto: David Ritchie/African News Agency/ANA)

Stad Kaapstad is Maandag steeds besig om ʼn hofbevel toe te pas wat betref vlugtelinge wat onwettig oop ruimtes in die middestad beset.

Richard Bosman, uitvoerende direkteur van veiligheid en sekuriteit, het in ʼn verklaring gesê die hofbevel, van 17 Februarie, het die stad toestemming gegee om sy munisipale wetgewing in die Groentemarkplein-gebied toe te pas. Die operasie is Sondag afgehandel, maar die vlugtelinge het daarna onwettig St Mary’s-kerk oorkant die parlement beset.

“Die kerk het ʼn klag van onwettige betreding aanhangig gemaak en Stad Kaapstad het die polisie bygestaan om die groep van die kerk se perseel te verwyder. Die groep vlugtelinge het daarna oornag ʼn oop stuk grond in die omgewing van die Kaapse Skiereiland-Universiteit vir Tegnologie (KSUT) beset.”

Die stad se wetstoepassers het Dinsdag met ʼn operasie begin om hulle ook van dié stuk grond te verwyder. Kaapstad se inwoners is deur die loop van die dag versoek om die gebied te vermy.

Volgens Bosman mag die vlugtelinge, kragtens die hofbevel, nie enige ander gebied in die stad beset nie. Kragtens die hofbevel hoef die stad, of enige ander agentskap, ook nie alternatiewe behuising te verskaf nie.

“Ons doen weereens ʼn beroep op die vlugtelinge om terug te keer na die gebiede waar hulle gebly het voor hulle St George’s Mall beset het.”

Niemand is in hegtenis geneem tydens die operasie by Groentemarkplein nie.

Drie mans, onderskeidelik 17, 38 en 41 jaar oud, is Dinsdag in hegtenis geneem. Hulle staan tereg op aanklag van die aanranding van ʼn polisiebeampte, die oortreding van ʼn hofbevel en dat hulle hulself teen inhegtenisneming verset het, het Bosman bygevoeg.

“Dit is ʼn uiters gespanne situasie. Stad Kaapstad probeer dit na die beste van sy vermoë bestuur. Ons doen ʼn beroep op alle betrokke persone om ons personeel toe te laat om hul pligte uit te voer kragtens die hofbevel.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
marius

Laat hulle voor die parlement plak , dan word hulle dadelik terug gevlieg na hul lande toe.

Anel

Sit hulle op ‘n skip en laat die skip net weg vaar. Hulle wil nie hier wees nie, so vaar weg, sommer ver weg. Gedink hulle kan hier kom hiet en gebied en nou kom hulle hulle moses tee.

Kruger

Dit het ons nou van “nooi die hele Afrika hiernatoe” nou is dit n probleem.

Niné

Ons grense is mos oop vir amal om te kom plak. En as hierdie patetiese regering nie ons grense streng beveilig nie gaan die probleem al erger word. Wag tot Zimbabwe die Corona kry dan vlug hulle almal hierna toe. Eish..groot molikheid kom nog.

Yolandie

Almal welkom in Suid Afrika, waar die regering nie eers na sy eie landsburgers kan kyk nie of veilig hou nie. Maar ja kom want dis baie lekker hier by ons.