ʼn 41-jarige vrou is Donderdagoggend in die parkeerterrein van die munisipale kantoor in die Strand doodgeskiet oomblikke nadat sy daar stilgehou het.
Kapt. FC van Wyk, polisiewoordvoerder, sê die polisie ondersoek ʼn saak van moord.
“Volgens berigte het die oorledene met haar silwerkleurige Toyota Fortuner in die parkeerterrein langs Hoofweg stilgehou. Sy was alleen in die voertuig.
“’n Onbekende man het haar te voet genader, waarna hy twee vuurwapens uitgehaal en verskeie skote deur die bestuurder se venster geskiet het.”
Die vrou het verskeie skietwonde opgedoen en is deur mediese personeel op die toneel dood verklaar.
“Die verdagte het daarna weggestap en in wegkomvoertuig, ʼn wit Opel Astra, geklim en van die toneel gevlug,” sê Van Wyk.
“Die motief vir die skietvoorval is steeds onbekend.”
Enigiemand met inligting oor die voorval word versoek om die StopMisdaad-nommer by 08600 10111 te skakel.
Die goddelose boosheid loop onvermond tussen ons rond.
Dit klink soos ‘n “hit”. Moontlike motief moet ondersoek word.
Dankie FW vir jou legacy wat jy vir ons agter gelaat het