Vryheid sonder water weens stakende munisipale werkers

vryheid

Die waterpyp wat beskadig is. Foto: Vryheid Herald

Die dorp Vryheid in KwaZulu-Natal is reeds sedert Vrydag sonder water as gevolg van vandalistiese dade deur stakende munisipale werkers.

Die Vryheid Herald het Vrydag berig stakende werkers van die Abaqulusi-munisipaliteit het die dorp se hoofwatertoevoerpype saboteer deur dit stukkend te slaan.

“Op die Vryheidkoppie, waar die dorp se wateropgaardamme is, het stakende werkers die hooftoevoerpyp wat water van die Klipfontein- en Bloemveld-suiweringstasie gelei, stukkend geslaan. Die opgaardamme verskaf water aan Vryheid, Bhekuzulu en Lakeside,” berig die Vryheid Herald.

Volgens die koerant het die werkers ook die direkte toevoerpyp na Vryheid stukkend geslaan, wat tot gevolg het dat geen water in of uit die dorp kan vloei nie. Lees meer hier.

ʼn Munisipale werker wat die munisipaliteit se telefoon na-ure  beman, het Saterdagoggend aan Maroela Media bevestig hulle het verneem dat stakende werkers die pype beskadig het. Die beampte het geweier om sy naam bekend te maak of om die munisipaliteit se woordvoerder se selfoonnommer te verskaf. Hy het wel gesê hulle is meegedeel dat watertoevoer Saterdag teen 17:00 herstel sal wees. Die beampte het gesê die woordvoerder sal eers Maandag beskikbaar wees om kommentaar te lewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Peter Says ·

Breek…Afbreek…Vernietig en so kan ek aangaan is die nuwe “Hunky Dory” in die land…Wat n grap.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.