Vrystaat-busongeluk: Dodetal bevestig; moegheid glo oorsaak

Foto: Halo Aviation

Foto: Halo Aviation

Die LUR vir gesondheid in die Vrystaat, dr. Benny Malakoane, het gesê die busongeluk tussen Winburg en Ventersburg is op die oog af deur ʼn menslike fout veroorsaak.

Volgens Malakoane is 11 mense in die ongeluk dood en 59 mense beseer. Hy het gesê een kritiek beseerde persoon is per helikopter na Bongani-hospitaal in Welkom vervoer terwyl die ander 20 kritiek beseerdes met ambulanse na onderskeidelik Bongani-hospitaal en Boitumelo-hospitaal in Kroonstad vervoer is. Die ander beseerdes is na hospitale in Winburg en Virginia vervoer. Malakoane het intussen gesê die beseerdes sal later na hospitale nader aan hul huise oorgeplaas word.

Maroela Media het vroeër berig die bus het ANC-ondersteuners van Port Elizabeth vervoer toe dit langs die N1 omgeslaan het. Die ANC-ondersteuners het Saterdag die party se verkiesingsmanifesbekendstelling bygewoon. Volgens Malakoane het die bestuurder van die bus vermoedelik aan die slaap geraak.

“Die ANC het met leedwese kennis geneem van die noodlottige ongeluk in die Vrystaat,” het Zizi Kodwa, woordvoerder van die party, vroeër gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Riekie

Shame

Tollies

dit lyk nie mooi sterkte

Hannelie

Daar kom die waarheid toe uit! Busbestuurders wat plekke ruil sonder om te stop!!! Iemand se kop gaan waai!!!

Cobus

Onskuldige mense word vir duisende kilometers aangery om steun aan zuma te gee……….mr president die bloed is op jou hande……..

elize naude

jou mensveragtende kommentaar spreek bloot van jou lae selfbeeld… sê jy dieselfde oor plaasmoorde?