Weermag weer in hof oor “MIV-diskriminasie”

Argieffoto

Argieffoto

Die hooggeregshof in Pretoria sal na verwagting Dinsdag argumente aanhoor dat die Suid-Afrikaanse Weermag glo voornemende rekrute weier op grond van hul MIV-status, berig The Star.

Aansoekers beweer dat die weermag aanhou om onwettig nuwe rekrute, weens hul MIV-status, uit te sluit afgesien van ‘n hofbevel ses jaar gelede.

“Rekrute word geweier, ongeag van die aansoeker se huidige gesondheidstoestand, ongeag van die werk wat gedoen moet word, én die hofbevel,” word in hofdokumente aangevoer.

Volgens die berig het die weermag se vorige gesondheidsbeleid mense met MIV uitgesluit vir werwing, eksterne ontplooiing en bevordering.

Die hooggeregshof in Pretoria het in 2008 beslis dat die weermag se beleid rakende verpligte MIV-toetse “onregverdig” is en inbraak maak op die regte van lede.

Aids Law Project [nou deel van Section27] het dié beleid uitgedaag. Dit het in 2009 gelei tot die aanvaarding van ‘n nuwe beleid, wat dié soort diskriminasie moes staak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Pieter Myburgh

Ek stem nie saam met die hofbevel,jy kan nie n weermag he en die troepe is sieklik nie.Wys net waarheen die standaarde is.

Oud Kol.

G1 K1 , Dan is hy gesond . Onder n aanval , terwyl jy die vyand van voor het ,wil jy nie die wind van agter ook he nie . Ag laat hulle maar toe man . Dis mos nou die Nesshinal Diefens Fors

Grassie

Ek het gedurende die bosoorlog in destydse Rhodesië ‘n tydjie lank in ‘n sg “kit bag unit” gedien – dit is ‘n klein groepie manne wat vir weke op ‘n slag jag en van die veld af leef. Jy dra baie min slaapgoed saam en as die nagte baie koud word lê die groep teen mekaar vir liggaamshitte. Soms eet ‘n mens maar saam uit een pot. As een seerkry behandel jy sy wond – daar is nie handskoene nie en die bloed smeer maar so ‘n bietjie. Daardie dae was daar nog nie vigs nie maar as daar was… Lees meer »

Gogga

Nee, maar dit moet so wees. Êrens word daar beskik dat die weermag moet verswak.