Werker op kleinhoewe buite Pta doodgeskiet

Argieffoto

Argieffoto

ʼn Saak van moord word ondersoek nadat ʼn 46-jarige man Dinsdagoggend op ʼn kleinhoewe in Wallmannsthal, noord van Pretoria, doodgeskiet is.

Ao. Isaac Mangena, woordvoerder van die polisie, het aan Maroela Media gesê die man was ʼn werker op die plaas. Sy naam is nie in hierdie stadium bekend nie.

Mangena het gesê twee werkers was omstreeks 07:30 besig om diere buite op die erf te voer toe hulle honde in die huis hoor blaf het. Aangesien die eienaars van die huis gery het om hul kinders skool toe te neem, het die werkers gaan ondersoek instel.

In die huis is hulle deur ʼn verdagte oorval wat ʼn vuurwapen op hulle gerig het. ʼn Struweling het ontstaan en een van die werkers, glo 26 jaar oud, kon daarin slaag om uit die huis te hardloop en hulp te gaan soek. Oomblikke later was hy saam met die bure terug by die huis, waar hulle die ander werker se liggaam in ʼn plas bloed op die vloer aangetref het. Hy is geskiet.

Mangena kon nie dadelik bevestig waar die werker geskiet is nie en het gesê paramedici was steeds op die toneel besig.

Die rower het skynbaar met net een selfoon gevlug, het hy gesê. ʼn Saak van moord word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
Winston

Die opskrif skep onmiddelik die indruk dat n werker deur n werkgewer geskiet is. Wat van: “werker op kleinhoewe deur rowers doodgeskiet.”? Of “Rowers skiet werker op kleinhoewe.” ? Klink vir my beslis beter. Dankie

lee

Ek sien nie iets fout met die opskrif nie. Arme man. Mag hy in vrede rus!

Pikkie

Was dit nou die werkgewer ipv die werker, was dit weer ‘n rooftog wat “skeef” geloop het!

zahn

Nog ‘n plaasmoord. Ongeag kleur. Tragies verby.

elize

Ons in polokwane en ja ons werkers ook n teiken van hoewe en plaas aanvalle daar we’ll nog goeie plaaswerkers wat opstaan vir hul werkgewer en hulle baie skaars Winston haal my hoed af vir jou jy sien gruweldade wat mens laat ril