Wittebroodspaartjie ry glo seun (14) dood

Argieffoto

Argieffoto

‘n 14-jarige seun van Secunda in Mpumalanga is dood nadat hy op die N2 in Umgababa buite Karridene in KwaZulu-Natal deur ‘n motor raakgery is.

Chris Botha, woordvoerder van Netcare911, sê die seun en sy vriend het glo oor die hoofweg gehardloop. Die seun se hoed het glo afgewaai en hy het omgedraai om dit op te tel toe hy deur die motor raakgery is.

Botha sê met paramedici se aankoms op die toneel het die seun in die pad gelê. Hy is op die toneel dood verklaar. “Paramedici het vir die wittebroodspaartjie op die toneel berading gegee aangesien hulle baie ontsteld was.” Die egpaar is nie in die ongeluk beseer nie.

Die oorsaak van die ongeluk word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Justine ·

‘n Ongeluk gebeur so vinnig! Ek is baie jammer vir die ouers en familie van die seun. Sterkte vir die pasgetroude paartjie.

Maroela – is die seun 12 of 14? Opskrif dui aan 12 maar berig dui aan 14.

Ek geniet die platform baie! Hou aan met julle goeie verslaggewing en werk.

Nico Strydom ·

Haai Justine.

Baie dankie vir die terugvoer. Die berig is gewysig.

Vriendelike groete

Kobus ·

Seun se naam dalk asb? En watter skool hy was? My kind is ook 14 en van Secunda, dalk ken ons nog die seun??

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.