Oudpres. Jacob Zuma by sy huis in Nkandla in KwaZulu-Natal. (Foto: Phill Magakoe/AFP)
Ondersteuners van oudpres. Jacob Zuma, wie se verrassende terugkeer tot die politiek die ANC se kollig in die aanloop tot volgende maand se verkiesing gesteel het, het die korrupsiebeskuldigde leier vandeesweek gul verwelkom.
Die 82-jarige Zuma het in Desember aangekondig hy skaar hom voortaan by die uMkhonto weSizwe (MKP)- party, wat dieselfde naam as dié van die regerende ANC se voormalige gewapende vleuel gebruik.
Die ANC het probeer om die gebruik van dié naam te stuit, maar die hof in Durban het ʼn aansoek hieroor van die hand gewys.
ʼn Skare Zuma-ondersteuners het vandeesweek gesing en gedans voordat hy ʼn toespraak gelewer het in sy tuisdorp, Nkandla.
In die bloedige son het sommige gedreunsing “Zuma! Zuma!”
“Dit is asof die verkiesing reeds verby is, asof ons reeds gewen het,” het Zuma onder luide toejuiging gesê.
“Wanneer hierdie verkiesing verby is, gaan ons wonderwerke verrig. Diegene wat nog net van ons gehoor het, gaan sien waartoe ons in staat is,” het hy gesê.
“Ons speel nie. Ons gaan alles verander wat verkeerd is.”
UMsholozi in Nkandla today.#VoteMK2024 pic.twitter.com/PHioUtcWnc
— uMkhonto WeSizwe Party (@MkhontoweSizwex) April 25, 2024
Zuma haal byna daagliks die hoofopskrifte danksy ʼn reeks politieke vergaderings – en hofsake – oor die regmatigheid van sy deelname aan die verkiesing op 29 Mei.
“Zuma is baie slim, hy is die enigste een wat Suid-Afrika se probleme kan oplos,” het Asanda Ndima, ʼn 20-jarige kieser, gesê terwyl sy saam met ander ondersteuners in ʼn bus by die saamtrek opgedaag het.
Volgens peilings kan die ANC, Zuma se vorige politieke tuiste, se steun in die verkiesing tot minder as 50% val; dit sal die eerste keer wees sedert die aanvang van demokrasie in 1994.
Die party is net meer as ses maande gelede op die been gebring, maar peilings plaas die MKP se steun reeds op 13% in die verkiesing.
“Die mense wat vir die MKP stem is ouer, hulle ken Zuma se werk en weet onder sy regering word hul toelae elke jaar verhoog,” het die 52-jarige Mxolisi Thuseni by die saamtrek gesê.
“Jong mense voel hopeloos oor die toekoms en voormalige ANC- en IVP-lede wat ontevrede is, het ook by die MKP aangesluit,” sê hy.
Zuma was van 2009 tot 2018 die vierde president van ʼn demokratiese Suid-Afrika, maar is uit die pos gedwing weens ʼn vlaag korrupsiebewerings teen hom.
Vanjaar se verkiesing sal na verwagting een van die mees bestrede in die geskiedenis van demokratiese Suid-Afrika wees en sy teenwoordigheid kan deurslaggewend wees. Zuma bly ʼn gewilde figuur, veral onder die land se meer as tien miljoen Zoeloes, Suid-Afrika se grootste etniese groep.
die vent was dan kwansuis siek…….
Nog een van die LEUNAARS! Kan nie glo dat die meerderheid hierdie spul leuens keer op keer glo nie.
Klomp miljoeners op n stage voor die armes van natal, en julle juig.
As hy weer in die parlement inkom sal dit ‘n ramp wees.
Ongelooflik!
Ons kan nie laer daal as die huidige vlak. Duidelik is ons Werelde ligjare verwyder. Viva Afrika
Ek wens nou die terminalw siekte wat hy onder lede het, wat hom weerhou het van sy tronkstraf, wil nou begin spoed op tel.
Dis maar die vlakke waarop die gemiddelde kieser in hiedie land is, Henry. Maar ek juig oor Zoema se nuutste manewales want hy het die ANC se greep in KZN verbreek en hoe meer die ANC steun afgerokkel word, hoe beter vir almal.
Afrikaner leiers moet spring om ‘n Verdrag met Zuma, MK en die EFF te sluit. Dan is ons goed gedek.
So lyk iemand wat terminaal siek gediagnoseer is!!
Dit is waarom ek steeds glo n gekwalifiseerde stem die antwoord vir SA is.
Daar is net te veel mense wat nie bevoeg is om n rasionele stem te maak nie.
Die gevolg is dat die ongeletterde gepeupel die land regeer en die land lyk soos nou.
@Lesly, ja nou is hy spring lewendig en gesond…. skande hoe hierdie skelms net wegkom met als en die level van arrogansie wat hulle wys.
Wat ‘n sirkus…….
Jou SARS inkomstebelasting nommer moet jou stemreg toelaat, nie jou ID nommer nie!!!!!! Dis belastingbetalers wat die land onderhou, so hulle moet alleen stemreg hê en nie die miljoene bloedsuiers nie.
@Kokerboom,
Ons Wêrelde is ligjare verwyder. Niks kan dit verander nie.
@ Pannies,
Hoe dink jy sal ‘n “gekwalifiseerde stem in SA” gekry kan word?
Daarom sê ek: Demokrasie werk nie in Afrika nie.
We are doomed…
Verdun die ANC se stemme. En enige samewerking tussen Zuma en ANC gaan nooit glad loop nie. Beide se doel is om in bewind te wees / te bly en het geen saak met RSA se gesondheid nie!
Ek wonder of mens nie kan dat slegs mense wat belastingnommers het stem nie? Want dit is die mense wat belasting betaal wat die spul se sassa en toelaes betaal en onderhou! Dis ook die mense wat wat sorg dat hulke gratis alles kry. So hoekom moet hulle stemreg hê, net soos die spul in die tronk. Hoeveel belasting betaal zuma?
@Anel
Dit is die ideaal, maar sal nooit gebeur nie agv van menseregte.
Selfs mense sonder belastingnomers betaal ‘n soort belasting. BTW is ‘n voorbeeld.
Nog n ANC splinter party wat gereed staan om koalisie met ANC aan te gaan indien die ANC se ondersteuning swak is met volgende verkiesing. Slip politieke speletjies. Nuw baadjies maar ou gesigte.