‘Zuma moet aan wit mense sê waar hulle met hom staan’

Pieter Groenewald tydens ‘n vorige toespraak in die parlement. Foto: Twitter

Die VF Plus het gesê pres. Jacob Zuma en sy regering het die droom van 1994 se reënboognasie vernietig en skep groot rassewrywing met sy voortdurende aanvalle op wit mense.

“Die tyd het aangebreek dat hy vir die wit mense van die land sê presies waar hulle met hom staan,” het dr. Pieter Groenewald, leier van die VF Plus, Woensdag in ʼn verklaring gesê.

Dr. Groenewald het met Woensdag se begrotingsposdebat van die staatspresident gesê daar was ʼn groot welwillendheid aan die kant van wit mense om die land te help bou vir die toekoms en om hul bydraes te lewer om Suid-Afrika ʼn beter plek te maak.

Hy het gesê dit is nie gedoen met arrogansie of die verwagting vir bevoorregting of om beter as die res van die bevolking behandel te word nie.

“Maar ʼn groot ontnugtering het nou ingetree. Die Grondwet bepaal die president moet eenheid in die land bewerkstellig. Maar hy doen dit nie. Hy sê die probleme in die land het begin toe Jan van Riebeeck in 1652 hier geland het en dat wit monopolie die land se probleme veroorsaak,” het Groenewald gesê.

“Hy vertel veral die swart mense gereeld dat dit sleg met hulle gaan, dat hulle arm is en nie werk het nie en dat hierdie ongelykheid wit mense se skuld is omdat hulle die grond gesteel het.

“Die minister vir sosiale ontwikkeling gee selfs vir wit joernaliste die skuld vir die probleme by Sassa. Dan moet hy nie verbaas wees as die premier van Noordwes die tragiese voorval by Coligny in ʼn rassevoorval verander deur te sê wit boere het die swart seun vermoor nie.

“Is daar geen respek meer vir die reg nie? Ek sê vandag aan die president hy veroorsaak rassespanning in Suid-Afrika.”

Groenewald het sy standpunt herhaal dat die wit mense van Suid-Afrika nie vra vir spesiale behandeling nie. “Al wat hulle vra is gelyke regte en gelyke behandeling.”

Hy het gesê die president moet Donderdag in sy antwoord aan die wit mense sê wat wit mense moet doen om hom tevrede te stel dat hulle ʼn bydrae lewer om die land te laat werk.

“Ons vra nie ʼn geskiedenisles nie. Ons ken dit. Hy moet sê wat hy wil hê die wit mense moet doen om deel te word van die nuwe Suid-Afrika. Laat hy een keer in sy lewe eerlik hieroor wees,” het dr. Groenewald gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

64 Kommentare

jongste oudste gewildste
Siestog

Goed gesê dr. Groenewald. Sal interessant wees om sy antwoord te hoor.

Ai

Al se hy, kan ons hom vertrou? Dis ook nie net hy wat rasse haat aanblaas nie.

Ek dink in elk geval nie ons het nodig dat hy se nie, dis duidelik waar ons staan. Mens sien dit mos aan die aksies.

Johan Pretorius

Hahahahaha mnr Zupta, te veel van lafaard om daai een te antwoord. Hy sal nooit daai vraag antwoord nie.

foxi

Hy hoef net een eenvoudige antwoord te gee. Nml……ek gee vir julle jul eie volkstaat. Dink net hoe fantasties sal ons eie land lyk. Ons eie hospitale, banke, winkels, ons eie stad wat soos Dubai kan lyk, skoon parke en strate ensv. ………SKIES……EK HET NOUNET WAKKER GEWORD……HET NET GEDROOM….??

Leendert

Hoekom sal jy die stok waarmee jy die hond slaan weggooi? Natuurlik sal hy ‘n klomp dinges gorrel as hy antwoord, maar as hy daar wegloop, dan gaan hy maar net op sy ou trant voort en blameer die witmense vir als onder die son. En dit net omdat hy sy mense op ‘n hoop jaag vir stemme, iemand moet die skuld kry dat die land in sy dinges bestuur is.