Steve Hofmeyr by Menseregtekommissie aangekla

Steve Hofmeyr

Steve Hofmeyr

Die Menseregtekommissie (MRK) het Woensdag gesê dat daar ʼn klagte teen Steve Hofmeyr, Afrikaanse sanger en aktivis, ingedien is weens opmerkings wat hy tydens 10 Oktober se Red October-veldtog by die Uniegebou gemaak het.

Isaac Mangena, ʼn woordvoerder van die MRK, het aan Maroela Media gesê die kommissie ondersoek ‘n klagte wat beweer dat Hofmeyr tydens sy toespraak ʼn opmerking gemaak het wat haat en geweld gebaseer op ras aanhits. “Die klaer voel sy woorde impliseer dat swartmense moordenaars en verkragters is,” het Mangena gesê. Mangena het egter bygevoeg dat dit nie net Hofmeyr is wat aangekla is nie, maar ook sekere webwerwe en Facebook-blaaie wat Red October ondersteun. “Al die beweringe sal ondersoek word.”

Hy het voorts gesê die MRK het geen klagtes teen Alfie Phokobye, ʼn voormalige produksie-assistent en vloerbestuurder van die televisiekanaal SuperSport, ontvang nie. Phokobye is by SuperSport geskors nadat hy in reaksie op die Red October-veldtog op Facebook gesê het hy wens hy was ook daar, sodat hy twee handgranate in die skares kon ingooi. Lees meer hier.

Hofmeyr het aan Maroela Media gesê hy is nog nie bewus dat ʼn klagte teen hom gelê is nie, en dat hy by sy woorde en op sy reg van vryheid van spraak staan. “Ek is reg vir hulle. Ek sing nie haat-liedjies of liedjies wat mense aanspoor om ander rasgroepe dood te maak nie. Ek is bloot ʼn aktivis wat opstaan vir die minderheid se regte,” het Hofmeyr gesê.

Steve het tydens sy toespraak op Red October in Engels gesê: “Immaterial of the statistics, we are not used to this mortality rate. We are not used to being raped at this rate. Most importantly we aren’t used to being raped by other cultures, tribes or ethnicities.”

“Ek het nie een keer in my toespraak na swartes verwys nie. Die punt is, voor 1994 is wit vroue nie so baie verkrag soos nou nie. Wit boere is nie naastenby so baie uitgemoor soos nou nie. Ek wil weet watter kulture of etniese groepe is verantwoordelik dat dit sedert 1994 so drasties toegeneem het dat nou al ʼn pandemie is.”

Op ʼn vraag of hy van plan is om ʼn politieke party op die been te bring, het Hofmeyr gesê dalk oor so paar jaar. “Die probleem is dat die regering hulle g***e aan minderheidsgroepe en partye afsmeer. Ek staan nou net op die kantlyn as ʼn aktivis, maar ʼn politieke party kan dalk eendag hieruit spruit.”

Lees ook:
Nuuskommentaar: Steve, die menseregtekommissie en nog plaasmoorde
Sunette Bridges praat oor Red October
SuperSport-werker geskors oor Red October-uitlating
Nuuskommentaar: Red Rooi Oktober minderheidsregte?
Sunette Bridges mobiliseer gemeenskappe wêreldwyd vir ‘Red October’

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

100 Kommentare

jongste oudste gewildste
Ingrid

Vasbyt Steve! Ons is trots op jou! Sterkte vanuit die VSA!!!!!!! Sal jou in ons gebede hou!!!!!

Ansie

Nou sukkel hulle met die verkeerde persoon …hoekom doen hulle niks aan malema wat haatspraak uitspel met sy masiewe groot rooi “banners” nie …nee wat ons sit met ‘n gemors… ‘n grote… maar dan staan ons minderheid maar net weer saam… dis maar al genade !!!

Benita

Een man wat bereid is om vir ons te veg en die wereld wil hom stenig! Voel hul dalk net so effentjies bedreig deur dit wat hy kan vermag?

Anton Visser

Hi Steve! Sterk staan ons is saam jou! As hulle vir n verduideliking vra se jy sal voor hulle kom getuig en nie n brief gee nie! Dan kan ons almal saam jou gaan en voor hulle verskyn!

adelene meyer

STEVE HOFMEYR, se jou se. Ek stem saam met jou. Hier is elke liewe dag BLANKES wat vermoor word voor die voet! Hkm MAG JY of geen blanke melding daarvan maak of in opstand kom daarteen nie? Maar JULIUS MALEMA mag toesprake hou met duisende swartes waar hy die swartes teen die BLANKES aanhits en in die PUBLIEK die BLANKES dreig dat hulle sal vermoor word voor die voet as hulle nie toegee aan die swartes se EISE nie!!