Dit was ʼn konstruktiewe gesprek, sê Poetin

Joe Biden van die VSA (regs) en Wladimir Poetin (Rusland) skud blad tydens hul ontmoeting by Villa La Grange in Genève, Switserland (16 Junie 2021) (Foto: Saul Loeb/Pool/AFP)

Rusland se president Wladimir Poetin het Woensdag gesê sy eerste persoonlike ontmoeting met sy Amerikaanse eweknie Joe Biden was konstruktief en die twee het ingestem om binnekort kubersekuriteit te bespreek.

“Dit was absoluut konstruktief,” het Poetin aan verslaggewers gesê ná sy gesprek met Biden in Genève, Switserland.

Biden het Poetin tydens die gesprek gevra om die vyandige VSA/Rusland-verhouding te vervang met ʼn “meer voorspelbare” verhouding tussen “die twee groot magte wat kan ooreenkom dat hulle nie altyd met mekaar gaan saamstem nie”.

Die twee leiers het kort ná 17:00 (1500 GMT) hul gesprek beëindig ná drie en ʼn half ure se gesprekke by ʼn villa in Genève.

Die twee staatsleiers het Woensdagmiddag blad geskud toe hulle mekaar ontmoet het.

“Dis altyd beter om van aangesig tot aangesig te ontmoet,” het Biden aan Poetin gesê waar hulle in die villa se biblioteek bymekaar gekom het.

“Ons probeer bepaal waar ons ʼn gemeenskaplike belang het, waar ons kan saamwerk en waar ons nie kan saamwerk nie. Ons wil ʼn voorspelbare en rasionele manier vind om van mekaar te verskil – twee groot magte,” het Biden gesê.

Poetin het gesê daar is “talle kwessies” wat “op die hoogste vlak” aangeroer moet word en hy het sy hoop uitgespreek vir ʼn produktiewe gesprek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Boerkind

Putin is klaarblyklik gerat om Biden se onsamehangende woorddiarree te ontsyfer…

Sarel

Nou hoe nou…Trump was dan kwalik geneem.oor gesprrk
.met Poetin.

Tubac

Dit was absoluut konstruktief. Anders gelees, net om die wereld te paai maar stem nie ooreen nie. Putin is te uitgeslape vir smiley.

annie

CNN het glo tydens die vraesessie vir Biden uitgetrap omdat hy nie vir Putin wou dwing om van sy glo slegte gedrag af te sien nie. Die librale pers het dan juis hom tot president laat verkies sodat hy klei in hul hande kon wees. Te veel water by lei tot ‘n glibberige pappery. En hoe gee ‘n kind(s) opdrag aan ‘n ervare onderwyser?

pestilensie

Wonder of Biden sou onthou wat hy drie ure terug sou se