Foto: 2019 Zoo Berlin via AP
ʼn Dieretuin in Berlyn het nuwe foto’s vrygestel van ʼn panda-tweeling wat onlangs gebore is. Dit gaan glo baie goed met die twee.
Die dieretuin het Donderdag gesê die twee pandas, wat op 31 Augustus gebore is, weeg nou elk ongeveer 5 kg (hulle het onderskeidelik 136 g en 186 g met geboorte geweeg).
Die twee is aanvanklik per hand gevoer met melk wat personeel van ma Meng Meng gekry het, maar hulle kan nou self drink. Hulle is die eerste reusepandas wat in Duitsland gebore is.
Meng Meng en die pa, Jiao Qing, is twee jaar gelede van China na Duitsland gebring.
Daar is vermoedelik minder as 2 000 pandas in die natuur oor en hulle is ʼn bedreigde spesie.
Die tweeling het nog nie name nie en die publiek het hulle ook nog nie vantevore gesien nie.
-
- Foto: 2019 Zoo Berlin via AP
-
- Foto: 2019 Zoo Berlin via AP
Kyk dan nou net daai ou gesiggies. Mag julle twee beertjies sterk en gesond groot word. Net jammer hulle moet in ‘n dieretuin bly om ander mense te vermaak. Ek wens so julle kon vry gewees het in die natuur waar julle hoort sonder om voortdurend te vlug van mense.
Pragtige liefies. Baba panda’s weeg tussen 90g en 130g met geboorte. So, hierdie was groot baba’s
Sinneloos dat die diertjies en baie ander soos hulle in die wereld gebring word om in ‘n hok te moet sit.
Name? Ping & Pong.