Koning Charles sterk aan ná operasie

Koning Charles III (Foto: Jonathan Brady / AFP)

Brittanje se koning Charles III het Saterdag sy tweede dag in ’n private kliniek in Londen deurgebring nadat hy Vrydag ’n operasie vir ’n vergrote prostaat ondergaan het.

Dit gaan glo goed met die 75-jarige koning ná sy operasie.

Sy vrou, koningin Camilla, het oor die naweek al verskeie kere by die London Clinic ingeloer.

Koningin Camilla nadat sy die koning oor die naweek in die hospitaal besoek het. (Foto: JUSTIN TALLIS / AFP)

Dit is nie bekend hoe lank die monarg in die hospitaal sal moet aansterk nie. Britse mediaberigte dui daarop dat hy moontlik die hele naweek in die hospitaal sal moet deurbring.

Charles se skoondogter Catherine, die prinses van Wallis, sterk ook tans nog in die London Clinic aan nadat sy op 16 Januarie ’n beplande abdominale operasie moes ondergaan.

Die Britse koninklike familie is intussen dun gesaai.

Daar word verwag dat die koning se suster, prinses Anne, asook sy broer prins Edward, en dié se vrou, Sophie, waarskynlik in die volgende paar maande meer koninklike pligte sal oorneem.

Queen Camilla has been back in to The London Clinic today where the King is recovering from his operation yesterday.
It’s the 3rd time she’s been in after arriving with Charles on Friday & staying until the procedure was complete.
She also popped back last night and again today. pic.twitter.com/Y0T5956lXz

— Chris Ship (@chrisshipitv) January 27, 2024