Minstens 10 mense is dood en 15 beseer na mesaanvalle in ’n inheemse gemeenskap en ’n nabygeleë dorp in Kanada se Saskatchewan-provinsie.
Die aanvalle het in die afgeleë inheemse gemeenskap van die James Smith Cree Nation en die nabygeleë dorpie Weldon plaasgevind, het Rhonda Blackmore, assistentkommissaris van die Royal Canadian Mounted Police (RCMP), gesê.
“Ons is op soek na twee verdagtes,” het Blackmore gesê. Die beweerde aanvallers is geïdentifiseer as Myles Sanderson (30) en Damien Sanderson (31).
Die James Smith Cree Nation, met ’n bevolking van 2 500 mense, het ’n plaaslike noodtoestand afgekondig.
Justin Trudeau, Kanadese premier, het die aanvalle as “afskuwelik en hartverskeurend” beskryf en sy meegevoel betuig.
Blackmore het gesê die owerhede glo “sommige van die slagoffers is deur die verdagtes geteiken en ander is lukraak aangeval”.
“Dit sal in die stadium uiters moeilik wees om oor die motief uit te brei,” het sy bygevoeg.
Die RCMP het die maksimum hulpbronne ingespan in die soektog na die verdagtes, met kontrolepunte wat op hoofweë en paaie reg oor die streek opgerig is.
Nou gaan hulle seker messe verban.
Veral messe wat soos aanvalsmesse lyk.
Niemand mag vuurwapens besit vir self-beskerming nie …. hello Brittanje.
Klink baie na SA!
Ek hou van daai “inheemse gemeenskap” – beskrywing. Beteken dit dat almal wie se voorouers van 300 jaar gelede nie in daai gebied gewoon het nie as “uitheems” beskou word? Hoeveel geslagte moet op ‘n spesifieke plek genereer voordat hulle as inheems beskou kan word?
Presies, daar is geen amptelike betekenis van die woord “inheems” nie, dis maar baie vaag.
Selfs die Khoi en San mense het na Suidelike-Afrika geïmmigreer.
Eintlik ‘n mooi woord vir: “nie-Westerlik nie”
Ons moet net onthou dat die gun reform mensies ons konstant inlig dat “guns kill”… ek los dit daar
In reservate gedruk , maar hulle bekke is vol oor die Afrikaner Volk . Patete.