Ndambi Guebuza, seun van oudpres. Armando Guebuza, in die hof. (Foto: Alfredo Zuniga / AFP)
’n Hof in Mosambiek het Woensdag die seun van oudpres. Armando Guebuza en twee voormalige spioenbase elkeen 12 jaar tronkstraf opgelê vir hul aandeel in ’n grootskaalse korrupsieskandaal wat dié land se regering lamgelê het.
Ndambi Guebuza, asook die voormalige hoof van sekuriteit en intelligensie, Gregorio Leao, en die voormalige hoof van ekonomiese intelligensie, Antonio do Rosario, is onder die 19 beskuldigdes in die opspraakwekkende saak. Laasgenoemde het aan die hoof gestaan van drie staatsondernemings wat miljarde rande onwettig geleen het.
Agt beskuldigdes is Woensdag in ’n hof in Maputo vrygespreek terwyl die res van hul medebeskuldigdes vonnisse van tussen 10 en 12 jaar opgelê is.
Leao en Do Rosario is skuldig bevind aan geldverduistering en magsmisbruik, terwyl Guebuza skuldig bevind is aan onder meer aanklagte van geldverduistering, geldwassery en misdadige verbintenis.
Die vonnisse volg nadat staatsbeheerde maatskappye in dié verarmde land in 2013 en 2014 ’n reusagtige bedrag van $2 miljard onwettig by internasionale banke geleen het om ’n tuna-vissersvloot en waarnemingsvaartuie te koop.
Die regering het inligting oor die lenings van die parlement en lede van die publiek weerhou en die geld is direk aan drie maatskappye betaal, wat deur Rosario bestuur word. Rosario het eindelik tydens die verhoor na homself as ’n “super- uitvoerende hoof” verwys.
Toe die “verborge skuld” uiteindelik in 2016 die lig sien, het die Internasionale Monetêre Fonds (IMF) en ander skenkers hul finansiële steun afgesny, wat ’n soewereine skuldwanbetaling en geldeenheid-ineenstorting in Mosambiek veroorsaak het.
’n Onafhanklike oudit het intussen bevind $500 miljoen van die geld wat geleen is, is na onbekende begunstigdes herlei. Die geld is steeds skoonveld.
Regter Efigenio Baptista het tydens die vonnisoplegging gesê die misdade wat gepleeg is, het gevolge meegebring “wat vir geslagte sal duur”.
Baptista het ook gesê die bedrogspul het “die verarming van duisende Mosambiekers vererger”.
“Die land het bekend geraak om die ergste redes. Die beskuldigdes moes as hoë amptenare van die staat eerder [die land se] voogde gewees het.”
En kyk, tot Mosambiek stuur staatskapers tronk toe. Ons kán by die bure gaan leer.
Ons het by hulle geleer. Nou moet die howe en die regering net bykom.
Ek dink die meeste geldjies is in SA versteek. Want almal is mos welkom hier.
Phala Phala?
Dís mos hoe dit hoort!
12 jaar tronk ? Moes 20 jaar eindelik wees.
Is dit swaar straf?????? Hahahaha uit na 5 jaar en dan n skatryk vry man Ek wil ook!!
Ons kan ny hulle leer
Dit lyk vir my dat iemand by die IMF nie omsigtigheid en hul hand in die koek gehad
Mooi so maar SA lees dit elke keer mis, maar dis jammer want ek sien dit is die Mosambiekse korrupsieskandaal swaar gestraf wat tronk toe gestuur is.
Die tronk is n lekker plek in vergelyking wat Suid Afrikaners nou deurmaak.