Die Suid-Koreaanse drama Parasite het die eerste rolprent met ʼn nie-Engelse dialoog geword om as beste rolprent by die Oscar-toekennings aangewys te word.
Parasite het verder geskiedenis gemaak deur die eerste rolprent te word om as beste internasionale rolprent sowel as beste rolprent aangewys te word by vanjaar se 92ste Oscar-toekennings.
Bong Joon-ho is ook as beste regisseur aangewys vir Parasite terwyl die rolprent ook die toekenning vir beste oorspronklike draaiboek gewen het.
1917 het drie pryse gewen, vir beste kinematografie, beste klankvermenging en beste visuele effekte.
Die donker drama Joker wat vanjaar die voortou met 11 benoemings geneem het, kon egter net daarin slaag om twee van die beeldjies huis toe te neem. Joaquin Phoenix is as beste akteur aangewys en die rolprent het ook vir beste oorspronklike klankbaan gewen.
Renée Zellweger is as die beste aktrise aangewys vir haar rol in Judy.
Brad Pitt is aangewys as beste akteur in ʼn ondersteunende rol vir Once Upon a Time in Hollywood. Die rolprent het ook ʼn beeldjie ontvang vir beste stelontwerp.
Hier is ʼn volledige lys van die wenners:
Beste rolprent
Parasite
Beste akteur
Joaquin Phoenix (Joker)
Beste aktrise
Renée Zellweger (Judy)
Beste akteur in ʼn ondersteunende rol
Brad Pitt (Once Upon a Time in Hollywood)
Beste aktrise in ʼn ondersteunende rol
Laura Dern (Marriage Story)
Beste regisseur
Bong Joon-ho (Parasite)
Beste aangepaste draaiboek
Jojo Rabbit
Beste oorspronklike draaiboek
Parasite
Beste tekenprent
Toy Story 4
Beste kinematografie
1917
Beste kostuumontwerp
Little Women
Beste dokumentêre fliek
American Factory
Beste dokumentêre kortfliek
Learning to Skateboard in a Warzone (If You’re a Girl)
Beste filmredigering
Ford v Ferrari
Beste internasionale rolprent
Parasite (Suid-Korea)
Beste grimering en haarstilering
Bombshell
Beste oorspronklike klankbaan
Hildur Guðnadóttir (Joker)
Beste oorspronklike liedjie
“(I’m Gonna) Love Me Again” (Rocketman)
Beste stelontwerp
Once Upon a Time in Hollywood
Beste tekenprent (kortfliek)
Hair Love
Beste kortfliek
The Neighbors’ Window
Beste klankredigering
Ford v Ferrari
Beste klankvermenging
1917
Beste visuele effekte
1917
Net n jammerte Frankryk het die verkeerde fliek gekies. Portrait of a lady on fire, sou n beter keuse gewees het. Met online reviews het Portrait of a lady on fire beter gevaar as Parasite.
Goeie omskrywende titel vir die meeste wat in die bedryf is ….
Parasite sou mooi gepas het vir ‘n fliek oor die Zuptas en die regering. Dit sou al die Oscars gewen het.