ʼn Passasiersvliegtuig het Sondag in die Victoriameer in Tanzanië neergestort toe dit in stormweer by die Bukoba-lughawe probeer land het.
Precision Air het in ʼn verklaring gesê sy passasiersvlug, met 39 passasiers (38 volwassenes en een baba), het van die kommersiële hoofstad Dar es Salaam na Bukoba in Tanzanië gevlieg.
Die vliegtuig het die lughawe in Bukoba genader toe dit in die meer neerstort.
“Reddingspanne – wat uit tegniese personeellede van Precision Air bestaan – is tans op die toneel en ons kan bevestig dat altesaam 26 passasiers tot dusver gered en na nabygeleë hospitale gehaas is vir verdere mediese behandeling,” lui die verklaring.
“Geen sterftes is in hierdie stadium aangemeld nie.”
Die twee vlieëniers en twee bemanningslede is onder die mense wat nog gesoek word.
JUST IN: A plane has crashed into Lake Victoria in Bukoba in Tanzania’s Kagera region. Rescue efforts are underway. The plane belongs to Precision Air. #PrecisionAirCrash pic.twitter.com/Q5wfjbOB2T
— Rachael Akidi (@rakidi) November 6, 2022
BBC berig die vliegtuig is amper heeltemal onder water, met net die bruin-en-groen stertvin wat bo die water uitsteek. Die wrak is omring deur reddingswerkers en vissersbote.
Die een punt van die aanloopbaan by Bukoba-lughawe lê reg langs die kus.
Nooddienswerkers gebruik toue om die vliegtuig uit die Victoriameer, Afrika se grootste meer, te probeer trek.
Pres. Samia Suluhu Hassan het haar meegevoel uitgespreek met diegene wat deur die ongeluk geraak is en het ʼn beroep op kalmte gedoen terwyl die reddingsoperasie voortduur.
Precision Air flight plunges into Lake Victoria when landing at Bukoba Airport in Tanzania, authorities say rescue operations underway
????: Courtesy pic.twitter.com/WJLYfGeVjw
— Citizen TV Kenya (@citizentvkenya) November 6, 2022
Tanzania's Precision Air plane crash lands into Lake Victoria as it attempted to land at Bukoba Airport.
Reports say the crash was occasioned by bad weather; rescue efforts of 49 passengers on board underway.
????: Courtesy pic.twitter.com/BZsSbRdQIi
— NTV Kenya (@ntvkenya) November 6, 2022