Zim begroot miljoene om boere te vergoed

Pres. Emmerson Mnangagwa van Zimbabwe. Foto: Mike Hutchings/Pool Photo via AP, File

Die Zimbabwiese regering het Maandag gesê hy gaan vanjaar nog duisende boere vergoed wat destyds hul grond weens grondhervorming aan die hand van voormalige pres. Robert Mugabe verloor het.

Volgens Zimbabwe se pres. Emmerson Mnangagwa is daar vanjaar $17,5 miljoen (sowat R245 miljoen) begroot om boere te vergoed wat sowat 20 jaar gelede hul grond weens grondhervorming verloor het.

Reuters het Maandag berig die plaaslike regering hoop dat dié vergoeding ʼn einde sal bring aan ʼn hoogs verdelende kwessie in dié land wat tydens die bewind van Mugabe begin het.

Sowat 4 500 boere is destyds van hul plase afgesit waarna dié grond herverdeel is onder ongeveer 300 000 swart gesinne. Die regering het geglo dat grondhervorming ongelykhede uit die koloniale era sou herstel.

Mnangagwa het in ʼn verklaring gesê die eerste betalings sal gedoen word aan boere wat in finansiële nood verkeer, terwyl vergoeding later ten volle sal geskied.

Die onderskeie departemente van landbou en finansies het in ʼn verklaring gesê die registrasieproses en lys van boere wat vergoed behoort te word, moet teen einde April vanjaar voltooi word waarna die tussentydse voorskotbetalings direk aan voormalige boere of plaaseienaars betaal sal word.

Luidens die verklaring is die proses om spesifieke boere te identifiseer en te registreer vir vergoeding onderneem deur die Kommersiële Boere-unie (CFU) asook ʼn komitee wat boere verteenwoordig.

’n Komitee wat uit regeringsamptenare en voormalige plaaseienaars bestaan evalueer ook tans verbeterings wat op die plase aangebring is. Ook dié proses moet teen volgende maand afgehandel wees wanneer die spesifieke bedrag wat aan boere betaal moet word, bepaal sal word.

Volgens Reuters onderhandel die Zimbabwiese regering tans met finansiële instellings oor hoe om dié bedrag aan boere te betaal.

Boere sal slegs vergoed word vir infrastruktuur en verbeterings op die plase en nié die grond self nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Susan

Belaglike redenasie as jy my vra.

Frank

Nie die grond nie? Ek is seker van hulle het die plase by ander boere gekoop en dan aktes van die staat ontvang..?

John

Die IMF en ander instellings wil nie vir die Zim-regering lenings toestaan nie en die graderingsinstellings en die buiteland bly negatief gevolglik soek die prez nou witvoetjie en deel aalmoese uit aan die eens vooruitstrewende wit boere… niks van die verbeteringe staan seker nog nie so die uitbetalings gaan op zero staan… Oy!

Johan

Dis net n foefie

Realis

So……jy koop byvoorbeeld n rou onontwikkelde plaas vir R20 Miljoen rand. Jy bou beeskrale en n huis en le water aan wat jou R3 miljoen gekos het oor etlike jare waarin jy ook die plaas af betaal. Nou nou al hierdie jare betaal hulle jou as jy gelukkig is se weer R3 Miljoen rand uit………………………..2 +2 maak nie 4 nie !!