Zuma: ‘Jy het minder regte, want jy is ‘n minderheid’

Foto: GCIS

“Jy het meer regte, want jy is ‘n meerderheid, jy het minder regte, want jy is ‘n minderheid. Dit is hoe demokrasie werk.”

Dit was president Jacob Zuma se antwoord gister op ʼn vraag in die parlement oor of hy dit sal oorweeg om arbeidswetgewing te wysig ten einde te verseker dat kleiner vakbonde nie by onderhandelinge uitgesluit word nie. Lindiwe Mazibuko, parlementere leier van die DA, het die vraag aan Zuma gestel en gesê die drumpel van 51% vir vakbondverteenwoordiging het daartoe gelei dat Amcu nie erken is by Lonmin se Marikana-myn nie en dus van loononderhandelinge uitgesluit is. “Ons werk binne ‘n gereguleerde samelewing … tussen werkers en werkgewers is daar onderhandelinge en ooreenkomste, en die ooreenkomste moet gerespekteer word,” het Zuma gesê. “In ‘n demokratiese situasie is dit die meerderheid wat seëvier. Ek kan nie die reëls verander omdat jy ‘n bepaalde punt wil maak nie. Jy kan nie dan sê, kleiner vakbonde moet op dieselfde manier met groter vakbonde vergelyk word nie.”

Zuma het na sy uitlating oor die meerderheid wat meer regte het aan LP’s gesê dit is ʼn “kwessie van om die reëls van demokrasie te aanvaar, en daarbinne voort te gaan.” ʼn Ongeïdentifiseerde LP het hierop geantwoord: “Jy verstaan nie demokrasie nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Brenda

Pragtig!!! So ons is ALMAL gelyk, maar ons word nie gelyk behandel nie!!! Net soos in die boek Animal Farm, het almal dieselfde voorregte en party net meer as ander (o,ja, en dan die Boer- Hy het GEEN regte nie, laat staan nog voorregte!!)

Paul

Ek onthou een keer by ‘n toespraak het Zuma gesê dat die Zoeloes in Suid-Afrika die meerderheid is. Hy was baie verbaas toe een van sy ministers hom onderbreek en reghelp en sê dat die Zoeloes ook ‘n minderheid is.
Hy het nie besef dat daar ‘n verskil tussen “die grootste minderheid” en “die meerderheid (50% +1)” is nie. Ongeveer 24% van die SA bevolking se huistaal is Zoeloe. Die volgende grootste groep praat Xhosa, met sowat 18% en dan kom Afrikaans met sowat 13%.
Hoewel die Zoeloes die grootste minderheid is, met 24%, is geen taalgroep ‘n meerderheid nie.

KopKrap

“ʼn Ongeïdentifiseerde LP het hierop geantwoord: “Jy verstaan nie demokrasie nie.” ” Ek sou graag vir “Ongeïdentifiseerde LP” (OLP) wil ontmoet en vir hom gelukwens. Dit is net jammer dat daar nie verdere kommnetaar op sy stelling in die rubriek is nie, want duidelik ly baie mense in die land aan onkunde betreffende die term “demokrasie”. Demokrasie vereis dat ALLE burgers GELYKE geleenthede en insprake op sake het wat hulle raak, sonder onderdrukking. Dit TEN SPYTE van meerderhede. ‘n Suksesvolle demokrasie word gemeet aan die sorg wat die kollektiewe hulle minderhede se behoeftes bevredig. Dit is amper ‘n altruistiese benadering.… Lees meer »

Mike

So uit die perd se bek. Dit is Afrika demokrasie waarteen Dr A P Treurnicht en Jaap Marais ons gewaarsku het voor die 94 verkiesing.

Albert

Om op ‘n suiwer meriete grondslag te kwalifiseer vir enige iets sal vir die ANC nooit aanvaarbaar wees nie, omdat hulle goed besef hulle sal dan uit die bus uitval, daarom sal hulle dit ten alle koste vermy en wegredeneeer. Die enigste manier om by hierdie meriete ‘probleem’ verby te kom is om die getalle verhouding te misbruik met drogredenasies soos om te eis dat die werksplek demografies verteenwoordigend moet wees. Dit enigste uitweg op hierdie stadium blyk te wees om dit in n hof en selfs die grondwetlike hof uit te sorteer en vir eens en vir altyd uitklaring… Lees meer »