Novak Djokovic het die afgelope naweek tennisgeskiedenis gemaak toe hy ʼn moedige Casper Ruud in die einstryd van die Franse Ope op Roland-Garros geklop het.
Sy Parys-sukses beteken dat hy nou 23 Grand Slam-titels agter sy naam het – die meeste nóg onder manspelers.
Nodeloos om te sê het die huldeblyke ingestroom en Gary Player tel onder die bekendes wat Djokovic met sy sukses geluk gewens het.
“Dit is ongetwyfeld ʼn merkwaardige prestasie en hy tel nou onder die grootste name van alle tye – in enige sport. Net soos [Jack] Nicklaus en [Michael] Jordan,” het die Suid-Afrikaanse gholflegende gesê.
Benewens sy rits Grand Slam-titels het Djokovic ook al 38 keer in die eindstryd van ATP 1 000-toernooie koning gekraai, terwyl hy al vir 387 weke boaan die internasionale ranglys was.
Hy het juis vandeesweek weer vir Carlos Alcaraz op die ATP-ranglys onttroon.
Rafael Nadal meen Djokovic maak van tennisdrome ʼn werklikheid.
“ ʼn Paar jaar gelede was dit so te sê onmoontlik om aan 23 [titels] te dink, maar jy het dit gedoen! Geniet dit saam met jou gesin en span!” het die Spanjaard getwiet.
Many congrats on this amazing achievement @DjokerNole
23 is a number that just a few years back was imposible to think about, and you made it!
Enjoy it with your family and team! ????????— Rafa Nadal (@RafaelNadal) June 11, 2023
ATP-ranglys:
- Novak Djokovic: 7 595 punte
- Carlos Alcaraz: 7 175 punte
- Daniil Medvedev: 6 100 punte
- Casper Ruud: 4 960 punte
- Stefanos Tsitsipas: 4 920 punte
- Holger Rune 4 375 punte
- Andrey Rublev: 4 000 punte
- Taylor Fritz: 3 515 punte
- Jannik Sinner: 3 300 punte
- Karen Khachanov: 3 125 punte
Iconic ✨#RolandGarros @DjokerNole pic.twitter.com/lB8yuoV8uI
— Roland-Garros (@rolandgarros) June 12, 2023
Novak kan weet dat hy miljoene ondersteuners het wat hóm ondersteun sonder die geneigdheid om in die proses die ander twee grotes, Nadal en Federer, se uitmuntende prestasies aan te val.
Dié neiging is deesdae opmerklik, en die (mis)gedrag van die Franse en anders tennisskares tekenend daarvan.
Hy Nadal en Federer beslis die beste mansspelers in die geskiedenis van tennis. Dit maak sy prestasie nog meer merkwaardig want die meeste van sy titels het hy teen eersgenoemde twee meesters gewen