Kemar Roach het vir Protea-hoofbrekens in die tweede beurt gesorg. Foto: Phill Magakoe/AFP.
Die Protea-kolwers kon toe nie een of twee vennootskappe aanmekaarslaan nie en hulle is vir slegs 116 lopies binne 30 boulbeurte uitgeboender.
Met twee dae se spel oor het die Wes-Indiese Eilande 247 lopies nodig om die eerste toets op SuperSportpark te wen.
Die Suid-Afrikaners het vanoggend hul beurt op 49/4 hervat met Aiden Markram en Heinrich Klaasen voor die paaltjies, maar Jason Holder het in die tweede boulbeurt van die dag se spel van Klaasen ontslae geraak.
Daarna het Kemar Roach korte mette met die tuisspan se stertkantkolwers gemaak om met ʼn boulontleding van 5/47 te spog.
As dit nie vir Gerald Coetzee se paar grenshoue was nie, sou die Suid-Afrikaners waarskynlik minder as 100 lopies op die telbord gehad het.
Oudergewoonte sal die boulers weer eens hul bes moet doen om sake vir die Proteas te beredder; iets wat beslis binne hul vermoë is. Maar hierdie storie raak al afgesaag.
- Opsomming van telkaart:
Suid-Afrika 342/10 in 86,3 boulbeurte: Aiden Markram 115, Dean Elgar 71 en Alzarri Joseph 5/81.
Wes-Indiese Eilande 212/10 in 69 boulbeurte: Raymon Reifer 62, Jermaine Blackwood 37 en Anrich Nortjé 5/36.
Suid-Afrika 116/10 in 28 boulbeurte: Aiden Markram 47 en Kemar Roach 5/47.
Wes-Indiese Eilande 0/1 in 0,3 boulbeurte: Kagiso Rabada 1/0.
Wat was die kaptein se bydraes gewees in die twee kolf beurte?
Double duck…… Knackered kwack
Kan jy dit al hoor…….. ahem ahem
en? die ander styer tans op 20/4
Kyk maar na die ligpuntjie. Markram het hopelik uiteindelik sy toets voete gevind met die kolf.