Twee Suid-Afrikaanse spelers – Wayne Parnell en Faf du Plessis – het vanmiddag vir die Royal Challengers Bangalore in sy Indiese Premierliga-wedstryd teen die Rajasthan Royals geskitter.
Du Plessis het sy sewende vyftigtal van die toernooi aangeteken en hy het saam met Glenn Maxwell (wie anders?) toegesien dat RCB 171/5 in sy toegelate 50 boulbeurte kon aanteken.
Daarna het Parnell onder die Rajasthan-kolwers gemaai en hy het onder meer vir Jos Buttler en Joe Root terug na die kleedkamer gestuur.
Die groot oorwinning het RCB se netto lopietempo ʼn welkome hupstoot gegee en die span beklee tans die vyfde plek op die amptelike punteleer.
“Vandag se vertoning was baie goed vir die spelers en ek is oortuig dat almal oorgehaal is om in ons oorblywende wedstryde goed te doen,” het Du Plessis gesê.
Parney ???? On the money ????
Absolute gold dust with the triple strike in the powerplay! ????
And he's still got 6 fiery deliveries left! ????#PlayBold #ನಮ್ಮRCB #IPL2023 #RRvRCB pic.twitter.com/17z8xIwfe6
— Royal Challengers Bangalore (@RCBTweets) May 14, 2023
Die voormalige Protea-kaptein dra steeds die oranje pet vir die meeste lopies in die toernooi. Hy het in 12 wedstryde reeds 631 lopies teen ʼn gemiddeld van 57,36 en ʼn treftempo van 154,27 aangeteken.
Daarbenewens het hy ook die bal al 34 keer oor die grenstou laat seil – die meeste onder al die kolwers.
Hoewel ʼn plek in die Wêreldbeker-eendagkriekettoernooi ʼn bietjie vergesog is, meen kenners dat Du Plessis op 38-jarige ouderdom nie net goed genoeg is om deel van Suid-Afrika se T20-planne te wees nie; hy hoort ook daar.
“As ons die T20-Wêreldbeker wil wen moet ons die beste span kies. En daardie span moet Faf du Plessis insluit,” het Paul Harris – voormalige Protea-draaier – in die media gesê.
Lucky number 7⃣????
The arm raises keep coming for Captain Faf this season! ????#PlayBold #ನಮ್ಮRCB #IPL2023 #RRvRCB
— Royal Challengers Bangalore (@RCBTweets) May 14, 2023
- Opsomming van telkaart:
Royal Challengers Bangalore 171/5 in 20 boulbeurte: Faf du Plessis 55, Glen Maxwell 54 en Adam Zampa 2/25.
Rajasthan Royals 59/10 in 10,3 boulbeurte: Shimron Hetmeyer 35, Wayne Parnell 3/10 en Michael Bracewell 2/16.
Faf het n goeie seisoen, nou weet ons hoe besongers Kohli was toe hy 974 in n IPL seisoen geslaan het.