Eben Etzebeth (Foto: NICOLAS TUCAT/AFP)
Springbok-slot Eben Etzebeth sal na verwagting vir tot 10 dae nie kan oefen nie weens ʼn skouerbesering.
Etzebeth het Sondag in die 26ste minuut van die Springbokke se sege van 18-3 oor Skotland in Marseille die veld verlaat.
“Ons wag vir die skandering,” het Rassie Erasmus, Suid-Afrika se direkteur van rugby, Maandag gesê. “Dit sal ʼn slag wees om hom vir sewe tot 10 dae nie te laat oefen nie.”
Suid-Afrika gaan Sondag voort met die verdediging van sy Wêreldbeker-titel wanneer hy teen Roemenië in Bordeaux te staan kom. Erasmus het gesê Etzebeth “sou in elk geval nie vir daardie wedstryd gekies word nie”. “Maar ons sou verwag het dat hy ten volle geoefen het.”
Etzebeth het saam met Franco Mostert op slot teen die Skotte begin en is deur RG Snyman vervang.
Dit is n gatslag vir die bokke maar stuur asseblief vir Manie(misskop) Libbok terug huis toe.Hy gaan ons die wereld beker kos.
Nog Springbokke gaan terugkom. Die lywe gaan nie hou nie. Veral die koppe.
O toggie. Was hy nie net nou die dag in Binneland Hospitaal opgeneem met n skouer besering nie. :-) Sterkte Eben. Gou beter word.