Meer as 41 000 toeskouers het die wedstryd tussen die Bulls en die Stormers op Loftus Versfeld bygewoon. Foto: GB Jordaan.
Die bywoningsrekord vir ʼn Verenigde Rugbykampioenskap-wedstryd in Suid-Afrika is die afgelope naweek verbeter toe 41 205 toeskouers die aksie tussen die Bulls en die Stormers op Loftus Versfeld bygewoon het.
Die vorige rekord van 31 000 toeskouers is tydens verlede jaar se eindstryd tussen die einste twee spanne in Kaapstad opgestel.
Die Kapenaars het nou juis hul vyfde agtereenvolgende oorwinning teen die Bulls behaal en volgens Deon Fourie het die skare beslis die spelers aangevuur.
“Ons het in aanloop tot die wedstryd gepraat en gesê dat die Bulls waarskynlik die oorhand in die eerste 20 minute sal hê omdat hulle voor hul tuisskare speel,” het die Stormer-kaptein gesê.
Tog was daar ook baie toeskouers in Stormer-truie en Fourie – wat as die speler van die wedstryd aangewys is – was dankbaar vir hul ondersteuning.
“Ek dink nie dit was net 41 000 Bulls-ondersteuners nie, ek voel dat ongeveer die helfte van die toeskouers vir ons geskree het en ek wil almal bedank wat die wedstryd bygewoon het. Dit was beslis een van my hoogtepunte.”
The attendance record for a #BKTURC match in the Southern Hemisphere was shattered today, when 41 205 supporters headed out to Loftus for the Vodacom @BlueBullsRugby & DHL @TheStormers match! ????
This was also the biggest attendance for a Bulls home game since 2009! ????#BULvSTO pic.twitter.com/pK1vEV25lT
— BKT United Rugby Championship (URC) (@URCOfficial) February 18, 2023
Hanlie Putter het die wedstryd saam met haar man bygewoon en sy meen dat die stadion se atmosfeer meer elektries as jou deursnit Eskom-noodvergadering was.
“Dit was ongelooflik. Ons gaan gereeld Loftus toe en dit was die eerste keer in ʼn baie lang tyd dat die Oos-pawiljoen ook van bo tot onder volgepak was; gewoonlik sit min mense in die boonste sitplekke daar,” het Putter gesê.
Sy is egter hartseer dat die Bulls die kragmeting met 23 – 19 verloor het.
“Hulle het weliswaar baie geleenthede gehad om dinge ordentlik af te rond, veral daar teen die einde van die wedstryd. My man glimlag egter breed – hy is immers ʼn Stormer-ondersteuner.”
Volgens die jongste VRK-punteleer beklee die Stormers die tweede plek, terwyl die Bulls nou sesde is.
How good is it to have the upper eastern stand packed?!
41 205 Loftus faithful through the gate, setting a new @Vodacom @URCOfficial_RSA record for a Southern Hemisphere game.
???????? #BULvSTO @Vodacom #URC #TrueToTheBlue #BullsHeard pic.twitter.com/FH59IwFCTq
— Official Blue Bulls (@BlueBullsRugby) February 18, 2023
Dit wys jou net hoeveel mense die rugby got aanbid ek het gedink na die Israel vernedering en sa rugby wat voortgaan met die kwota sisteme sou mense die regte ding doen maar hulle het my verkeerd bewys maar dit is wat dit is.
Dit het seker helemal teen jou grein gegaan om hierdie berig te lees en daarop kommentaar te lewer. Wat het jy Saterdag gedoen vir plesier en/of ontspanning?