Die Springbok-flank Pieter-Steph du Toit gaan ʼn derde keer pa word.
Dié 31-jarige wêreldbekerwenner en sy vrou, Willemien, is reeds die ouers van twee spruite, Pieter en Christi.
Williemien het die nuus oor hul derde pienkvoet in ʼn hartroerende video op Instagram gedeel.
“Die derde Du Toit-baba is op pad in September,” skryf sy by die video.
Die egpaar is deur tientalle mense gelukgewens, insluitend Layla Kolbe, Cheslin Kolbe se vrou, en Hannah Barret, vrou van Nieu-Seelandse speler Beauden Barret.
“Yay! Geluk julle!” skryf Layla, terwyl Hannah gesê het dat dit “só opwindend” is.
Die paartjie is in 2015 getroud en het in 2019 hul eersteling, Pieter Stephanus, verwelkom. Hul tweede pienkvoet, Christi, is in 2022 gebore.
As hy reeds kinders het was hy nog al die tyd ‘n pa. Hyt nog ‘n kind bygekry nie weer pa geword nie. Eenkeer ‘n ma of pa, altyd ‘n ma of pa, al lewe jou kinders nie meer nie.
Baie geluk met weer pa en ma word!
Bàie sèenwense met jul 3de babatjie wat oppad is!! Wow.
Blessings from God
Nici
Not too worry oor
Di grammar
Just blessings!