Met hul lang nekke kan kameelperde maklik die hoër takke bykom vir sappige blare wat nie ander herbivore beskore is nie.
Maar wat gebeur wanneer ʼn kameelperd gras op die grond wil eet?
Miljoene kykers dink dit is baie komieklik om te sien hoe een kameelperd afbuk om die gras te hap en dan regop spring om dit te kou.
Die video is deur die gebruiker @DannyDutch op Twitter gedeel en is reeds byna 10 miljoen keer gekyk. “Ek het nog altyd gewonder hoe ʼn kameelperd gras eet, maar hierdie is majestueus!” het hy by die video geskryf.
Verskeie gebruikers het ook beeldmateriaal van kameelperde gedeel waar hulle water drink en slaap.
‘n Gemiddelde kameelperd eet ongeveer 34 kg plantmateriaal daagliks. Indien daar water beskikbaar is, drink hulle ten minste elke drie dae. Hulle wei meestal gedurende die eerste en laaste dagligure en herkou hierdie kos dan vir die res van die dag en nag. Saans herkou hulle terwyl hulle lê.
I’ve never wondered how a Giraffe eats grass before, but this is majestic! pic.twitter.com/9pjbTugdKm
— Daniel Holland (@DannyDutch) October 12, 2020
Dis so oulik!
Gewoonlik ‘n tydsame proses om af te sak water toe.
Baie oulik en èk darem lanklaas so vinnig op my voete te lande gekom….. ha ha ha
1ste keer in my lewe dat ek sien ‘n kameelperd eet gras…
Dit lyk darm baie of die videogreep onwaar is, dit wil voorkom of die regop staan aksie agteruit terug gespeel is en sodiende `n nuwe video greep geskep het.
Ek is geneig om saam met jou te stem.
Cute. Wys jou net.
Ek kan leer by hom!!