Vanjaar trek werkendes swaar met hul 15 dae verlof omdat so baie openbare vakansiedae in die middel van die week of op Saterdae val. Maar Maroela Media se verlofgids help jou om die meeste uit jou verlof te kry.
Vanjaar kan jy twee lekker lang vakansies van nege dae elk in April neem! En al wat jy moet doen, is om elke keer vier dae verlof in te dien.
Tussen Kersfees en Nuwejaar is daar ook ʼn tydperk waarin jy wéér vier dae verlof kan neem en nege dae vakansie sal kry om die jaar mee af te sluit. Nuwejaarsdag val vanjaar op ʼn Saterdag, wat jou ʼn Sondag bied om gereed te maak vir 2022 en sy dinge.
Daar is ook ruimte om hier en daar een dag verlof te neem, om ʼn lekker vier dae lange langnaweek te geniet.
| VAKANSIEDAE | NEEM VERLOF OP | GETAL DAE AF |
| Menseregtedag: Maandag, 22 Maart | · Vrydag, 19 Maart | 4 |
| Goeie Vrydag: Vrydag, 2 April Gesinsdag: Maandag, 5 April | · Dinsdag, 6 April · Woensdag, 7 April · Donderdag, 8 April · Vrydag, 9 April | 9 |
| Vryheidsdag: Dinsdag, 27 April Werkersdag: Saterdag, 1 Mei | · Maandag, 26 April · Woensdag, 28 April · Donderdag, 29 April · Vrydag, 30 April | 9 |
| Jeugdag: Dinsdag, 16 Junie | 1 | |
| Vrouedag: Maandag, 9 Augustus | · Vrydag, 6 Augustus | 4 |
| Erfenisdag: Vrydag, 24 September | · Maandag, 27 September | 4 |
| Versoeningsdag: Woensdag, 16 Desember | 1 | |
| Kersfees: Saterdag, 25 Desember Tweede Kersdag: Maandag 27 Desember Nuwejaarsdag: Saterdag, 1 Januarie | · Dinsdag, 28 Desember · Woensdag, 29 Desember · Donderdag, 30 Desember · Vrydag, 31 Desember | 9 |
| Totaal: | 15 | 41 |
O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.
12 Kommentare
Indien daar vanjaar verkiesings is, kan jy dan ook 9 dae vakansie vat deur 4 dae verlof in te sit.
Lyk my die mense werk net om verlof te kan neem.
Verkeerde beroep gekies?
Ek dink almal wil vakansie vat op 32 Desemeber ????
check net bietjie julle datums. ek het nie geweeg Goeie Vrydag val nou op ‘n saterdag nie!!
Geen wonder die land gaan agteruit. Tipiese ANC denkwyse. “No work, but still pay”