Maroela se Bruid van die jaar: Wen ʼn tweede wittebrood

Dis ʼn groot voorreg om die liefde van jou lewe te ontmoet – en ʼn groter voorreg as julle trou aan mekaar kan beloof. Dis natuurlik heerlik om daarna, net julle twee, ʼn bietjie weg te breek vir ʼn wittebrood.

Hier is goeie nuus: Met Maroela en Dream Hotels and Resorts se Bruid van die jaar-kompetisie, staan jy die kans om ʼn tweede wittebrood vir jou en jou geliefde te wen!

Dream Hotels & Resorts het seker gemaak daar is groot pryse, ter waarde van byna R60 000, op die spel.

Ons het reeds ‘n Somerbruid en ‘n Herfsbruid aangewys, en is nou op soek na ons Winterbruid! Ons gaan later vanjaar ook ‘n Lentebruid aanwys voor ons lesers aan die einde van die jaar die geleentheid gaan kry om die algehele Bruid van die Jaar uit dié vier finaliste aan te wys.

Skryf nou in as Winterbruid

Jy kan in aanmerking kom vir ons Winterbruid as jy tussen Junie 2022 en Augustus 2022 trou. Inskrywings vir ons Winterbruid sluit op 4 September 2022.

ʼn Beoordelaarspaneel sal die top-10 saamstel en daarna sal ons lesers die geleentheid kry om vir die top-10 te stem om Maroela se Winterbruid te kies.

Ons gaan later in die jaar ook ʼn Lentebruid (September – November 2022) aanwys. Hou dus Maroela dop as jy wil seker maak jy skryf vir dié opwindende kompetisie in!

Dream Hotels & Resorts borg wonderlike pryse vir die wenpaartjies.

Somerbruid – Finfoot Lake Reserve

Die wenner van ons Somerbruid-kompetisie het twee nagte vir twee persone wat deel by die Finfoot Lake Reserve in Rustenburg, Noordwes (insluitend aandete en ontbyt) gewen. Waarde: R8 230-00.

Herfsbruid – Nibela Lake Lodge

Die wenner van ons Herfsbruid-kompetisie het twee nagte vir twee persone wat deel by die Nibela Lake Lodge in St Lucia in die noorde van KwaZulu-Natal (insluitend aandete en ontbyt) gewen. Waarde: R8 440-00.

Winterbruid – Zimbali Lodge

Die wenner van ons Winterbruid-kompetisie wen twee nagte vir twee persone wat deel by Zimbali Lodge naby Ballito aan die noordkus van KwaZulu-Natal (insluitend aandete en ontbyt). Waarde: R7 420-00.

Lentebruid – Little Switzerland Resort

Die wenner van ons Lentebruid-kompetisie wen twee nagte vir twee persone wat deel by die Little Switzerland Resort aan die voet van die noordelike Drakensberge in KwaZulu-Natal. Waarde: R15 000-00.

Bruid van die jaar – Le Franschhoek Hotel & Spa

Die algehele wenner van ons Bruid van die jaar-kompetisie wen drie nagte vir twee persone wat deel by die Le Franschhoek Hotel & Spa in Franschhoek in die Wes-Kaap (op ʼn bed & ontbytbasis insluitend een aandete met ʼn bottel wyn). Waarde: R19 080-00.

Skryf nou in

Oops! We could not locate your form.

Bepalings en voorwaardes

• Die sluitingsdatum om in te skryf as Winterbruid is 4 September 2022 om 23:45.
• Om in aanmerking te kom vir ons Winterbruid, moes julle tussen Junie 2022 en Augustus 2022 getrou het.
• Inskrywings vir die Lentebruid sal plaasvind tussen September en November 2022. Inligting en inskrywingsvorms hiervoor sal deur die loop van die jaar op Maroela Media bekendgemaak word. Jy kan ook die webbladsy https://maroelamedia.co.za/kategorie/kompetisies/ dophou.
• Die stemproses vir die Winterbruid sal na verwagting van 7 – 20 September 2022 plaasvind. Alle besonderhede sal op Maroela Media beskikbaar gemaak word.
• Deur vir hierdie kompetisie in te skryf, stem jy in dat jou foto en naam op Maroela Media se webwerf en sosialemedianetwerke bekendgemaak mag word indien jy as een van die top-10 aangewys word.
• Die beoordelaars se beslissing is finaal en geen korrespondensie sal daaroor gevoer word nie.
• Maroela Media sal kontak maak met die top-10 om seker te maak dat jy weet jy het deurgedring. As jy nie van Maroela Media hoor nie, kan jy aanvaar dat jy ongelukkig nie die top-10 gehaal het nie.
• Maroela Media kan nie aanspreeklikheid aanvaar as jou inskrywing vir een of ander tegniese rede ons nie betyds bereik nie.
• Die wenpaartjie moet self die bespreking reël vir die verblyf.
• Jou vervoer na en van die bestemming en enige ander uitgawes wat jy aangaan is nie by die prys ingesluit nie.
• Die prys(e) kan nie vir kontant omgeruil word nie.
• Maroela Media en Dream Hotels & Resorts kan nie aanspreeklikheid aanvaar vir enige skade of verlies wat jy mag ly wanneer jy van die akkommodasieprys gebruik maak nie.